ក្រចេះ៖ ស្នងការដ្ឋាននគរបាលខេត្តក្រចេះ បានឲ្យដឹងថា ស្លាប់១នាក់របួសធ្ងន់១នាក់ ក្នុងហេតុការណ៍ជិះម៉ូតូបុកបង្គោលសុវត្ថិភាពនៅចិញ្ចើមផ្លូវ ដោយសារបើកបរក្នុងសភាពស្រវឹង និងប្រើប្រាស់ល្បឿនលឿនពេក។
ហេតុការណ៍គ្រោះថ្នាក់ចរាចរណ៍បង្កដោយខ្លួនឯង នេះ កើតឡើងនៅព្រលប់ថ្ងៃទី៣១ ខែតុលា លើផ្លូវជាតិ លេខ៧ ក្រចេះ_ស្នួល ចំណុចសួនអាពារហ៍ពិពារហ៍ភូមិឃ្សឹមក្រៅ ឃុំឃ្សឹម ស្រុកស្នួល។
ជនរងគ្រោះឈ្មោះទូ អាយុ៤០ឆ្នាំ មានទីលំនៅភូមិបាត់ហើយ ឃុំស្រែចារ ស្រុកស្នួល បានស្លាប់នៅនិងកន្លែង និងអ្នករួមដំណើរម្នាក់ទៀតឈ្មោះម៉ិច ទូច អាយុ៥៣ឆ្នាំ រស់នៅភូមិឃុំជាមួយគ្នា ត្រូវរងរបួសធ្ងន់។
ករណីនេះត្រូវបាននគរបាលជំនាញចរាចរណ៍រកឃើញថា បណ្តាលមកពីបើកបរក្នុងសភាពស្រវឹង និងប្រើប្រាស់ល្បឿនលឿនជ្រុល៕
ដោយ៖បញ្ញាស័ក្តិ
