ភ្នំពេញ៖អធិការដ្ឋាននគបាលខណ្ឌមានជ័យ បានឲ្យដឹងថា ករណីអំពើលួច មានស្ថានទម្ងន់ទោស (ឆក់យកទូរស័ព្ទដៃ និងកាបូបដៃដាក់លុយ)ចាប់ជនល្មើសម្នាក់នៅថ្ងៃទី៣០ ខែតុលា ឆ្នាំ២០២០ វេលាម៉ោង ១៦ នៅចំណុចក្បែរផ្ទះសំណាក់ សុវណ្ណ គីរី ផ្លូវ វេងស្រេង សង្កាត់ស្ទឹងមានជ័យទី៣ ខណ្ឌ មានជ័យ ររាជធានីភ្នំពេញ។ ជនរងគ្រោះឈ្មោះ (មិនស្គាល់អត្តសញ្ញាណ) ភេទ ស្រី អាយុប្រហែល ៣០ ឆ្នាំ ។
ជនសង្ស័យឈ្មោះ សន បុរី ភេទប្រុស អាយុ ៣៤ឆ្នាំ ជនជាតិ ខ្មែរ មានទីលំនៅផ្ទះលេខគ្មានលេខ ភូមិ ដំណាក់ធំ២ សង្កាត់ ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មុខរបរ កម្មករសំណង់ ។ វត្ថុតាងចាប់យក ៖ទូរស័ព្ទដៃ ០១ គ្រឿងម៉ាក អាយហ្វូនស៊ីចផ្លើ ពណ៌ ទឹកមាស ដែលមានស៊ីមកាតលេខ ០៩៦ ៨៩០ ២២២៣ , កាបូបដៃដាក់លុយ ពណ៌ ខ្មៅ ចំនួន ០១ , ប័ណ្ណ ប.ស.ស ចំនួន ០១ កាតធនាគារវីង ចំនួន ០១ និងលុយចំនួន ២ម៉ឺនរៀល
នគរបាលរៀបរាប់ពីហេតុការណ៍នេះថា កាលពីថ្ងៃទី ៣០ ខែ តុលា ឆ្នាំ ២០២០ វេលាម៉ោង ១៦ម៉០០នាទី ជនសង្ស័យឈ្មោះ សន បុរី ភេទ ប្រុស អាយុ ៣៤ ឆ្នាំ បានដើរចេញពីផ្ទះជួលនៅភូមិ ដំណាក់ធំ២ សង្កាត់ ស្ទឹងមានជ័យ៣ ខណ្ឌ មានជ័យ រាជធានីភ្នំពេញ តាមបណ្តោយផ្លូវ វេងស្រេង ពេលដល់ចំណុចក្បែរផ្ទះសំណាក់ សុវណ្ណ គីរី ភូមិ ដំណាក់ធំ២ សង្កាត់ ស្ទឹងមានជ័យទី៣ ខណ្ឌ មានជ័យ រាជធានីភ្នំពេញ (កន្លែងកើតហេតុ) ក៏បានឃើញនារីរងគ្រោះម្នាក់ ភេទ ស្រី អាយុប្រហែល ៣០ ឆ្នាំ (មិនស្គាល់អត្តសញ្ញាណ) ដើរម្នាក់ឯងកាន់ទូរសព្ទដៃម៉ាក អាយហ្វូនស៊ីចផ្លើស ពណ៌ ទឹកមាស ស៊ីមកាតលេខ ០៩៦ ៨៩០ ២២២៣ និងកាបូបដៃដាក់លុយ ពណ៌ ខ្មៅ ឃើញដូចនោះជនសង្ស័យក៏ដើរតាមពីក្រោយនារីរងគ្រោះនោះ ហើយធ្វើសកម្មភាពឆក់យកទូរស័ព្ទដៃ និងកាបូបដៃដាក់លុយខាងលើ ហើយរត់គេចខ្លួន ភ្លាមៗនោះស្រាប់តែមានកម្លាំងសមត្ថកិច្ចប៉ុស្តិ៍នគរបាលស្ទឹងមានជ័យទី៣ ធ្វើការល្បាតពួនស្ទាក់ក្បែរកន្លែងកើតហេតុ មកធ្វើការឃាត់ខ្លួនជនសង្ស័យឈ្មោះ សន បុរី យកមកធ្វើការសាកសួរនៅទីស្នាក់ការប៉ុស្តិ៍នគរបាលស្ទឹងមានជ័យទី៣តែម្ដង ។ ក្រោយពីធ្វើការឃាត់ខ្លួនជនសង្ស័យឈ្មោះ សន បុរី សមត្ថកិច្ចយើងធ្វើការចាប់វត្ថុតាង ៖ ទូរស័ព្ទដៃ ០១ គ្រឿងម៉ាក អាយហ្វូនស៊ីចផ្លើ ពណ៌ ទឹកមាស ដែលមានស៊ីមកាតលេខ ០៩៦ ៨៩០ ២២២៣ , កាបូបដៃដាក់លុយ ពណ៌ ខ្មៅ ចំនួន ០១ , ប័ណ្ណ ប.ស.ស ចំនួន ០១ កាតធនាគារវីង ចំនួន ០១ និងលុយចំនួន ២ម៉ឺនរៀល ។ ចំណែកជនរងគ្រោះក្រោយពេលកើតហេតុរួចមិនបានមកដាក់ពាក្យបណ្តឹងនៅទីស្នាក់ការប៉ុស្តិ៍នគរបានស្ទឹងមានជ័យទី៣ នោះទេ បច្ចុប្បន្នកម្លាំងសមត្ថកិច្ចយើងកំពុងធ្វើការស្រាវជ្រាវរកអត្តសញ្ញាណ ជនរងគ្រោះ ។
បច្ចុប្បន្នជនសង្ស័យឈ្មោះ សន បុរី ត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការបន្តតាមនីតិវិធី ៕ ដោយ៖បញ្ញាស័ក្តិ