ភ្នំពេញ៖ កម្លាំងកងរាជអាវុធហត្ថបានឃាត់ខ្លួនជនសង្ស័យ២នាក់ និងដកហូតកាំភ្លើងខ្លី១ដើម ក្រោយពេលធ្វើសកម្មភាព ឆក់កាបូប និងទូរស័ព្ទពីនារីម្នាក់ ដែលកំពុងអង្គុយចុចទូរស័ព្ទ កាលពីវេលាម៉ោងជាង៤ទៀបភ្លឺ ថ្ងៃចន្ទ ទី២ ខែវិច្ឆិកា ឆ្នាំ២០២០នេះ នៅចំណុចកន្លែងលក់បបរមួយកន្លែង នៅតាមផ្លូវលេខ១៦៣ សង្កាត់បឹងកេងកងទី៣ ខណ្ឌបឹងកេងកង។
ជនសង្ស័យខាង លើ បានឆក់កាបូប និងទូរស័ព្ទពីនារីម្នាក់កំពុងអង្គុយចុចទូរស័ព្ទ នៅកន្លែងលក់បបរនិងគុយទាវ ទល់មុខអតីត X2 ហើយរត់ឡើងម៉ូតូមិនទាន់ ត្រូវបាននារីជនរងគ្រោះស្រែក ឆោឡោផ្អើលប្រជាពលរដ្ឋយកកៅអីគប់ និងទាញ ទម្លាក់ពីលើម៉ូតូ ប្រវាយប្រតប់គ្នា ធ្វើឲ្យជនសង្ស័យ ជ្រុះកាំភ្លើងពីចង្កេះ តែប្រជាពលរដ្ឋជួយនាំគ្នាចាប់វាយឡើងទ្រមខ្លួន ផ្អើលដល់កម្លាំងអាវុធហត្ថខណ្ឌបឹងកេងកង ចេញជួយអន្តរគមន៍ចាប់វាយខ្នោះ បានទាំង២នាក់តែម្ដង ៕ ដោយ៖បញ្ញាស័ក្តិ