ភ្នំពេញ៖ តារាចម្រៀងជើងចាស់លោក អាន គុណកូឡា ដែលផ្ទុះប្រជាប្រិយភាពខ្លាំងកាលពីអំឡុង១០ឆ្នាំមុន ស្ងាត់ៗស្រាប់តែបែកធ្លាយរូប Pre-wedding យ៉ាងរ៉ូមែនតិចត្រៀមចូលរោងការ។
តាមរយៈ Page Facebook Image Hunter ទើបបង្ហោះមុននេះបន្តិច បានបង្ករការភ្ញាក់ផ្អើលជាខ្លាំងដល់អ្នកលេងបណ្តាញសង្គម ជាពិសេសគឺអ្នកគាំទ្ររបស់លោក ដោយសារម្ចាស់ផេកខាងលើបានបង្ហោះរូបជាច្រើនសន្លឹករវាងលោក អាន គុណកូឡា រួមជាមួយអនាគតភរិយា យ៉ាងស្រស់ស្អាតនិងរ៉ូមែនទិច ហើយថែមទាំងបានថ្លែងអំណរគុណ សម្រាប់ការជ្រើសរើសសេវាកម្មថតរូបរបស់ខ្លួន។
គួររំលឹកថា តារាចម្រៀងលោក អាន គុណកូឡា កាលពីអំឡុងពេល១០ឆ្នាំមុន គឺពិតជាល្បីល្បាញខ្លាំងមែនទែន ដោយសារលោកជាតារាចម្រៀងម្នាក់ ដែលមានសំឡេងពីរោះស្រទន់ ពោរពេញដោយមនោសញ្ចេតនា។
ចំណែកឯការលេងខ្លួនស៊ីវីល័យ រូបរាងក៏ស្រស់សង្ហា បានឆក់យកបេះដូងនារីៗជាច្រើន មិនតែប៉ុណ្ណោះ សូម្បីបុរសស្ទាវៗជំនាន់នោះ ក៏ពេញនិយមស្តាយនិងចម្រៀងលោកយ៉ាងច្រើនផងដែរ។
ហើយបទចម្រៀងរបស់លោកភាគច្រើន គឺផ្ទុះនិងទទួលបានការគាំទ្រច្រើនមែនទែន ជាពិសេសគឺបទ «បង្ខំចិត្តបែក»ដែលច្រៀងគូរជាមួយ កញ្ញា លី អ៉ីវ៉ាធីណា បទ «តើនណាម្នាក់ជាម្ចាស់បេះដូងអូន» ច្រៀងជាមួយលោក ឆាយ វីរៈយុទ្ធ និងបទ «សុំទោសដែលធ្វើឱ្យអូនយំ»៕ ដោយ៖ កូលាប ក្រហម