ភ្នំពេញ៖ ក្រសួងសុខាភិបាល បានចេញសេចក្តីជូនព័ត៌មាន ពីការហាមឃាត់គណនីបណ្តាញសង្គមហ្វេសប៊ុកឈ្មោះ Aust-Cam Vitamine,Australla Products, Australa Products House, L&L. Australia Products ke Fruit Snecks Cambodia ige
ផ្សព្វផ្សាយលក់ឱសថ ផលិតផលបំប៉នសុខភាព និងគ្រឿងសម្អាង គ្មានបញ្ជីកាគ្មានប្រវេទន៍និងគ្មានការទទួលស្គាល់ ពីក្រសួងសុខាភិបាល។
ក្រសួងសុខាភិបាលនៃព្រះរាជាណាចក្រកម្ពុជា សូមជូនព័ត៌មានដល់សាធារណជនទាំងអស់ឱ្យបានជ្រាបថា៖ មានគណនីចំនួន៥ គឺ១. Aust-Cam Vitamins. ២. Australia Products, ៣. Australia Products House. ៤. L&L Australia Products, ៥. Fruit Snacks Cambodia កំពុងផ្សព្វផ្សាយលក់ឱសថ ផលិតផលបំប៉នសុខភាព និងគ្រឿងសម្អាងជាច្រើនប្រភេទគ្មានលេខទិដ្ឋាការ ឬបញ្ចិកា ឬប្រវេទន៍ពីក្រសួងសុខាភិបាលគិតត្រឹមថ្ងៃទី១៩ ខែ តុលា ឆ្នាំ២០២០។
អនុលោមតាមច្បាប់ ស្តីពីការគ្រប់គ្រងឱសថ និងច្បាប់ស្តីពីវិសោធនកម្ម ច្បាប់ស្តីពីការគ្រប់គ្រងឱសថ តម្រូវឱ្យរាល់ការចរាចរឱសថ ផលិតផលបំប៉នសុខភាព ក៏ដូចជាគ្រឿងសម្អាងគ្រប់ប្រភេទក្នុងព្រះរាជាណាចក្រកម្ពុជាត្រូវមានលេខទិដ្ឋាការ ឬបញ្ជិកា ឬលេខប្រវេទន៍ពីក្រសួងសុខាភិបាល ហើយរាល់ការផ្សព្វផ្សាយផលិតផល ទាំងនេះត្រូវមានការអនុញ្ញាតពីក្រសួងសុខាភិបាល ។
ដើម្បីជៀសវាងការខាតបង់ប្រាក់កាស និងប៉ះពាល់ដល់ សុខភាពអ្នកប្រើប្រាស់ទៀតនោះ ក្រសួងសុខាភិបាល សូមជូនព័ត៌មានដល់បងប្អូនប្រជាពលរដ្ឋទាំងអស់ ត្រូវបញ្ឈប់ការប្រើប្រាស់ផលិតផលសុខាភិបាល ដែលគ្មានលេខទិដ្ឋាការ ឬបញ្ជិកា ឬប្រវេទន៍ពីក្រសួងសុខាភិបាល ព្រោះផលិតផលទាំងនេះពុំអាចធានាបាននូវគុណភាព និងសុវត្តិភាពបានឡើយ។ ក្រសួងសុខាភិបាលនឹងមានវិធានការតឹងរ៉ឹងទៅតាមផ្លូវច្បាប់ ចំពោះម្ចាស់គណនីហ្វេសប៊ុកទាំង៥ ខាងលើ ដែលកំពុងផ្សព្វផ្សាយលក់ឱសថ ផលិតផលបំប៉នសុខភាព និងគ្រឿងសម្អាងទាំងនេះទៅតាមច្បាប់ស្តីពី ច្បាប់វិសោធនកម្មច្បាប់ស្តីពីការគ្រប់គ្រងឱសថជាធរមាន ។
ក្នុងករណីបងប្អូនត្រូវការព័ត៌មានបន្ថែមពីនាយកដ្ឋានឱសថ ចំណីអាហារ បរិក្ខារពេទ្យ និងគ្រឿង សំអាងនៃក្រសួងសុខាភិបាល៕ដោយ៖បញ្ញាស័ក្តិ
