Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ជនអនាមិក​ប្រើ Google Drive ដើម្បី​ទាក់ទាញ​អ្នកប្រើប្រាស់​ឱ្យចូល​ទៅក្នុង​គេហទំព័រ​ដែលមាន​មេរោគ​

spot_img

​ភ្នំពេញ​៖ កាលពីពេល​ថ្មីៗ​នេះ​ក្រុម​អ្នកស្រាវជ្រាវ​បាន​រកឃើញថា​ជនអនាមិក​បាន​ប្រើ​ភាព​ចន្លោះប្រហោង​នៅក្នុង Google Drive ដើម្បី​ផ្ញើ​អុី​មែ​ល​ឬ​ការជូនដំណឹង ទៅឱ្យ​អ្នកប្រើប្រាស់​ដែលមាន​ភ្ជាប់​មកជា​មួយ​នូវ​មេរោគ​។ ការបោក​បញ្ឆោត​នេះ​គឺ​មិនមែនជា​រឿង​ថ្មី​អី​នោះទេ ហើយ​វា​ក៏​ស្រដៀង​ទៅនឹង​ការបោក​បញ្ឆោត​តាមរយៈ​អុ​ី​មែ​ល​ធម្មតា (Phishing) ដែល​អ្នកប្រើប្រាស់​ភាគច្រើន​បានដឹង​យូរ​មកហើយ​ដែរ​។​នេះ​បើតាម​ការផ្សាយ​របស់​នា​យក​ដ្ឋា​ន​ប្រឆាំង​បទល្មើស​បច្ចេកវិទ្យា​នៃ​ក្រសួងមហាផ្ទៃ​នៅ​ថ្ងៃទី ៣ ខែវិច្ឆិកា ឆ្នាំ ២០២០​។​

​ក្នុង​រយៈពេល​ប៉ុន្មាន​សប្តាហ៍​ចុង​ក្រោយនេះ​អ្នកប្រើប្រាស់​ជាច្រើន​បានទទួល​ការជូនដំណឹង​តាមរយៈ Google Drive ដែលមាន​តំណ​ភ្ជាប់​ទៅ​គេហទំព័រ​ដែលមាន​មេរោគ​។ នៅពេលដែល​ពួកគេ​ចុច​នៅលើ​តំណ​ភ្ជាប់​នោះ​វា​នឹង​ទាមទារ​ឱ្យ​ចុច​លើ​តំណ​ភ្ជាប់​ផ្សេងៗ​ទៀត ដើម្បី​ឈ្នះ​រង្វាន់ ចូល​មើល​គណនី​ធនាគារ ឬក៏​ដើម្បី​ទទួលបាន​ប្រាក់​ជាដើម​។​

ទោះបីជា​ការបោក​បញ្ឆោត​នេះ​មិនមាន​អ្វី​ថ្មី​ក៏ដោយ ប៉ុន្តែ​វា​មាន​ប្រសិទ្ធិភាព​ក្នុង​ការបោក​បញ្ឆោត​អ្នកប្រើប្រាស់​ដោយសារតែ​អុី​មែ​ល​ឬ​ការជូនដំណឹង​ទាំងនោះ ត្រូវបាន​ផ្ញើ​ចេញពី​កម្មវិធី Google Drive ដោយផ្ទាល់​។ មូលហេតុ​ដែលនាំឱ្យ​ជនអនាមិក​ងាក​មក​ប្រើ Google Drive ដើម្បី​វាយប្រហារ​តាមរយៈ Phishing នោះ​គឺ​ដោយសារតែ​កម្មវិធី​អុី​មែ​ល​ភាគច្រើន មាន​ប្រព័ន្ធ​ការពារ​ក្នុងការ​ស្វែងរក​មេរោគ​មុននឹង​អុី​មែ​ល​នោះ​ត្រូវបាន​ផ្ញើ​ទៅឱ្យ​អ្នកប្រើប្រាស់​។​

​ដើម្បី​ការពារ​សុវត្ថិភាព​ក្នុងការ​ប្រើប្រាស់​ឧបករណ៍​បច្ចេកវិទ្យា នាយកដ្ឋាន​សូមឱ្យ​លោកអ្នក​មានការ​ប្រុងប្រយ័ត្ន​ក្នុងការ​ចុច​លើ​តំណ​ភ្ជាប់​ណាមួយ​នោះ​។ សូមកុំ​ចុច​លើ​តំណ​ភ្ជាប់​ដែល​លោកអ្នក​ពុំបាន​ស្នើសុំ ឬ​មកពី​ប្រភព​មិនដែល​បាន​ស្គាល់ ជាពិសេស​សូម​មានការ​ប្រុងប្រយ័ត្ន​នៅពេលដែល​ទទួលបាន​អុី​មែ​ល​ជា​ភាសា​ដែល​មិន​ស្គាល់​៕​ ដោយ​៖​បញ្ញា​ស័ក្តិ​

spot_img
×