អ្នកគាំទ្រមួយចំនួនប្រាកដជាធ្លាប់បានដឹងហើយថា កំពូលតារាចម្រៀងជួរមុខ២ដួងប្រចាំប្រទេសកម្ពុជាគឺលោក ខេមរៈ សេរីមន្ត និងអ្នកនាង ឳក សុគន្ធកកញ្ញា មិនត្រឹមតែស្គាល់គ្នាធម្មតានៅលើឆាកតែប៉ុន្នោះទេ ប៉ុន្តែក៏ជាមិត្តស្និទ្ធស្នាលនិងគ្នាតាំងពីយូរណាស់មកហើយ ហើយក៏ធ្លាប់ជ្រកក្រោមដំបូលផលិតកម្មក្នុងស្រុកមួយជាមួយគ្នាតាំងពីមិនទាន់សូវល្បីម្លេះ ប៉ុន្តែមិនដែលដឹងថាតារា២ដួងនេះធ្លាប់មានរឿងរ៉ាវអន់ចិត្តអន់ថ្លើមនិងគ្នាឡើយ។
រហូតដល់លោក ខេមរៈ សេរីមន្ត សម្រេចចិត្តចូលជ្រកក្រោមផលិតកម្មរស្មីហង្សមាស និងបានរួមការងារជាមួយគ្នាសារជាថ្មី ទើបអ្នកនាង ឳក សុគន្ធកញ្ញា មានឳកាសបង្ហាញពីអារម្មណ៍ពិតរបស់ខ្លួននៅថ្ងៃខួបកំណើតលោក ខេមរៈ សេរីមន្ត ថា «ថ្វីត្បិតតែយើងជាមិត្ត តែគ្មានឱកាសបានជុំគ្នាក្រៅពីម៉ោងធ្វើការ តែយ៉ាងណាក៏មិនដែលភ្លេចគិតពីសុខទុក្ខគ្នាឡើយ ហើយខ្ញុំនៅតែចាំថាខ្ញុំមានមិត្តម្នាក់ចាំផ្ដល់កម្លាំងចិត្ត និងជាអ្នកគាំទ្រខ្ញុំគ្រប់ពេល រីករាយថ្ងៃកំណើតមិត្តល្អរបស់ខ្ញុំសូមឲ្យអ្នកទទួលបានអ្វីៗគ្រប់យ៉ាងដែលជាបំណងប្រាថ្នា ហើយឈប់អន់ចិត្តទៀតOK ចាស់ៗអស់ហើយ »។
ក្រោយពីបានទម្លាយនូវអារម្មណ៍ពិត និងរឿងរ៉ាវកន្លងមក ដែលទំនងជាលោក ខេមរៈ សេរីមន្ត ធ្លាប់ខ្នក់ចិត្តនិងអ្នកនាង ឳក សុគន្ធកញ្ញា ក៏មានអ្នកលេងបណ្តាញសង្គមជាច្រើន ពិសេសគឺអ្នកគាំទ្រតារាទាំង២តែម្តង មានការភ្ញាក់ផ្អើលជាខ្លាំងមិននឹកស្មានថា តារាទាំង២ក៏ធ្លាប់មានរឿងអន់ចិត្តនិងគ្នាបែបនេះសោះ ព្រោះឃើញតែញញឹមដាក់គ្នាគ្រប់ឆាក ក៏មិនដែលបង្ហាញអារម្មណ៍ឬបង្ហោះ Drama ក្នុងហ្វេសប៊ុកឲ្យហ្វេនដឹង៕ ដោយ៖ កូលាប ក្រហម