សៀមរាប ៖ មនុស្ស៧នាក់ បានស្លាប់ ក្នុងនោះបុរសជនជាតិខ្មែរម្នាក់ និងជនជាតិវៀតណាមចំនួន៦នាក់ និង៥នាក់ទៀត ជាជនជាតិវៀតណាមបានរងរបួស ក្នុងគ្រោះថ្នាក់ចរាចរណ៍ក្រឡាប់រថយន្តធ្លាក់ចូលប្រឡាយទឹក នៅយប់រំលងអធ្រាត្រចូលថ្ងៃទី៦ ខែវិច្ឆិកា ឆ្នាំ២០២០ ស្ថិតនៅផ្លូវជាតិលេខ៦ ចន្លោះគីឡូម៉ែត្រលេខ 246-247 ភូមិស្ពានត្នោត១ ឃុំស្ពានត្នោត ស្រុកជីក្រែង ខេត្តសៀមរាប។
សមត្ថកិច្ចបានឲ្យដឹងថា រថយន្តជួបគ្រោះថ្នាក់ចរាចណ៍ម៉ាកស្តារិច ពណ៌ទឹកប្រាក់ ពាក់ផ្លាកលេខកំពង់ចាម 2A-8469 បើកបរដោយជនជាតិខ្មែរ។
សមត្ថកិច្ចមូលដ្ឋាន បានសន្និដ្ឋានថា គ្រោះថ្នាក់នេះដោយមូលហេតុអ្នកបើកបរអាចងងុយដេក និងបើកលឿនបណ្តាលឲ្យរេចង្កូត បណ្តាលឲ្យធ្លាក់ចូលប្រឡាយស្លាប់តែម្តង៕ដោយ៖បញ្ញាស័ក្តិ
