ភ្នំពេញ៖ តារាចម្រៀងរលកក្រោយកញ្ញា តន់ ច័ន្ទសីម៉ា ដែលបច្ចុប្បន្នកំពុងមានសន្ទុះការគាំទ្រយ៉ាងខ្លាំងក្លាពីទស្សនិកជន មុននេះបន្តិចបានធ្វើឱ្យអ្នកគាំទ្រស្រឡាំងកាំងសាជាថ្មី ក្រោយពីដឹងថា នាងជាអ្នកនិពន្ធបទចម្រៀងមួយឱ្យលោក ព្រាប សុវត្ថិ ដែលមានអ្នកចូលមើលរហូតដល់ទៅជិត៨លានដង។
តាមរយៈផេកហ្វេសបុករបស់កញ្ញា តន់ ច័ន្ទសីម៉ា បានបង្ហោះនៅមុននេះបន្តិចបានឱ្យដឹងថា តាមពិតបទភូមិខ្ញុំ update ដែលលោក ព្រាប សុវត្ថិ ច្រៀង គឺជាការនិពន្ធផ្ទាល់របស់កញ្ញា តន់ ច័ន្ទសីម៉ា ផ្ទាល់តែម្តង។ អ្វីដែលគួរឱ្យចាប់អារម្មណ៍ជាងនេះទៅទៀតនោះ គឺបទនេះកំពុងតែផ្ទុះខ្លាំង និងមានអ្នកចូលទស្សនាជិត៨លានដង នៅក្នុងបណ្ដាញយូធូប។
ក្រោយពីបានដឹងថា កញ្ញា តន់ ច័ន្ទសីម៉ា មានសមត្ថភាពនិពន្ធបទចម្រៀងបែបនេះ បានធ្វើឱ្យអ្នកគាំទ្រជាច្រើនស្រឡាំងកាំង ស្មានមិនដល់ និងបានចូលខមិនសរសើរមិនដាច់ពីមាត់៕ ដោយ៖ កូលាប ក្រហម