ឆ្នាំជូត
រាសីខ្ពស់ត្រដែត។
ការងារ ៖ ដោយសារដួងរាសីក្នុងថ្ងៃនេះឡើងខ្ពស់ ដូចនេះបើធ្វើអ្វីក៏តែងមានការចម្រើនលូតលាស់និងឈានទៅមុខសន្សឹមៗជានិច្ច។
ជំនួញ ៖ មានការចម្រើនលូតលាស់ទៅមុខដូច្នេះជាឱកាសល្អក្នុងការផ្លាស់ប្តូរមុខរបរឬបើកធ្វើជំនួញតូចធំ។ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីមានភាពយកចិត្តទុកដាក់និងផ្អែមល្ហែមចំពោះគ្នាល្អប្រពៃ៕
ឆ្នាំឆ្លូវ
រាសីល្អជាមធ្យម។
ការងារ ៖ ចាប់តាំងតែពីដើមខែនេះមកឃើញថាដំណើរជីវិតរបស់លោកអ្នកជួបនូវបញ្ហារដិបរដុបច្រើនត្រូវឆ្លងកាត់ធ្វើឱ្យជួបការលំបាកផងដែរ ។
ជំនួញ ៖ ចំណែកអ្នកអាជីវករថ្ងៃនេះវិញទោះមានការជួញទីជិតឆ្ងាយតែងអាចប្រមូលភោគផលចូលផ្ទះវិញយ៉ាងត្រជាក់ចិត្តហើយបើចង់បោះទុនលើអ្វីមួយក៏ជាពេលវេលាល្អផង។ការរស់នៅជួបភាពសុខដុមដូចសព្វមួយដង។
ស្នេហា ៖ កំលោះក្រមុំមានការជឿនលឿនទៅមុខនិងកំពុងបើកទំព័រថ្មីសម្រាប់អ្នកហើយ៕
ឆ្នាំខាល
រាសីស្រុតចុះ។
ការងារ ៖ ក្នុងថ្ងៃនេះបើទោះធ្វើអ្វីក៏ដោយត្រូវមើលមុខក្រោយនោះទើបបញ្ហាមិនល្អឈានចូលកើតនិងរឿងរាវពីអាក្រក់ប្រែមកល្អប្រសើរឡើងវិញ។ក្រៅពីនេះបើកើតបញ្ហាអ្វីលោកអ្នកតោងតែខិតខំដោះស្រាយហើយមិនត្រូវនិយាយស្តីអ្វីដែលបង្កើតជាបញ្ហាកាន់តែធ្ងន់ធ្ងរថែមទៀត។
ជំនួញ ៖ ជួបផលលំបាកក្នុងការរកផលចំណូលណាស់ ហើយការជួញជិតឆ្ងាយទៀតសោតជួបតែភាពរកាំរកូសច្រើន។ការធ្វើដំណើរទីជិតឆ្ងាយជួបភាពសុខដុមដូចសព្វមួយដង។
ស្នេហា ៖ កំលោះក្រមុំឬពោះម៉ាយមេម៉ាយក្តី បើចង់ធ្វើការជ្រើសរើសគូស្រករពុំសូវល្អទេព្រោះច្រើនជួបគូកម្មច្រើនជាងគូព្រេង៕
ឆ្នាំថោះ
រាសីល្អជាមធ្យម។
ការងារ ៖ នាពេលនេះបើទោះបីដួងរាសីល្អប្រសើរ ប៉ុន្តែយ៉ាងណាសម្រាប់ស្ត្រីត្រូវតស៊ូទាំងខ្លួនឯង និង អ្នកដទៃច្រើនផង។សម្រាប់ថ្ងៃនេះដែរការប្រកបការងារលោកអ្នកគប្បីមានការប្រយ័ត្នប្រយែងពិសេសក្រុមមនុស្សទម្លាក់កំហុសអ្វីមួយទុកឱ្យនាំត្រូវជួបការលំបាករែកពន់នៅគ្រាខាងមុខ។
ជំនួញ ៖ ក្នុងថ្ងៃនេះវិញជួបភាពប្រទាំងប្រទើសច្រើនពិសេសឱ្យប្រយ័ត្នកើតជម្លោះវិវាទព្រោះតែសម្តីចរចាទៅរកគ្នា។
ស្នេហា ៖ ប្រុសស្រីមានការជឿនលឿនទៅមុខយឺតណាស់តែបើថយក្រោយវិញសឹងតែឈានដល់បែកបាក់ថែមទៀត៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អទាំងលោកអ្នកចេញប្រកបការងារនិងពិសេសអាចសម្រេចចិត្តរឿងសំខាន់បានថែមទៀត។ទោះបីយ៉ាងណាសម្រាប់ស្ត្រីគប្បីប្រយ័ត្នប្រយែងបន្តិចពីព្រោះថាផលអាក្រក់នោះឃើញថាកើតមានខ្ពស់ផង។
ជំនួញ ៖ មានការរីកលូតលាស់គួរសមម្ល៉ោះហើយជាឱកាសល្អក្នុងការពង្រីកមុខរបរថ្មីឬបណ្តាក់ទុនបន្ថែមព្រោះផ្លែផ្កាដែលទទួលបានតែងហុចមកវិញដូចសមប្រកប។
ស្នេហា ៖ កំលោះក្រមុំ មានការជឿនលឿនទៅមុខនិងកំពុងស្រស់ស្រាយប្រពៃណាស់៕
ឆ្នាំម្សាញ់
រាសីខ្ពស់ត្រដែត។
ការងារ ៖ នាពេលនេះដំណើរជីវិតរបស់លោកអ្នក អ្នកខ្លះតែងមានបញ្ហាតានតឹងអារម្មណ៍ច្រើន និងអ្នកខ្លះទៀតនឹងមានបញ្ហាសុខភាពផងគប្បីប្រយ័ត្នប្រយែងបន្តិច។ចំណែកកិច្ចការងារទទួលរងប៉ះទង្គិចខ្លះៗយាយីប៉ុន្តែមិនលំបាករហូតដោះស្រាយមិនចេញនោះដែរ។
ជំនួញ ៖ មានការទិញចូលលក់ចេញគ្រាន់បើតែយ៉ាងណាលោកអ្នកទាល់តែខិតខំខ្លាំងទើបទទួលជោគជ័យជំនួញធំៗទៅរួច។
ស្នេហា ៖ កំលោះក្រមុំមានការរីកលូតលាស់ទៅមុខនិងកំពុងផ្អែមល្ហែមប្រពៃណាស់៕
ឆ្នាំមមី
រាសីល្អជាមធ្យម។
ការងារ ៖ មួយថ្ងៃកន្លងផុត ឯមួយថ្ងៃទៀតក៏ចូលមកដល់បន្តបន្ទាប់អ្នកតែងជួបប្រទះរឿងតូចធំចូលមកត្រូវឆ្លងកាត់ជានិច្ច។សម្រាប់នាពេលនេះដែរដោយសារដួងរាសីស្ថិតនៅលើផ្លូវរដិបរដុបហើយបើប៉ះចំថ្ងៃមិនល្អថែមទៀតឃើញថាផលលំបាកនោះក៏មានច្រើននាំពិបាកឆ្លងកាត់ទាំងអស់។ក្នុងផ្ទះសម្បែងគូរគ្រងប្តីប្រពន្ធមានការចង់ចាញ់ឈ្នះនិងងាយមានជម្លោះវិវាទណាស់គួរមានការប្រយ័ត្នប្រយែងពាក្យសម្តីបន្តិចទើបប្រសើរ។
ជំនួញ ៖ មានការប្រកួតប្រជែងគ្នាច្រើននិងពិសេសមានការប្រទាំងប្រទើសជាមួយអ្នកមានមុខរបរដូចគ្នាផងគួរមានការបើកចិត្តឱ្យទូលាយបន្តិចទើបគ្មារឿងរ៉ាវចម្រូងចម្រាសកើតឡើង។
ស្នេហា ៖ កំលោះក្រមុំមានការប្រឆាំងគ្នាព្រោះតែភាពមិនចេះអត់ឱនឱ្យគ្នាកំពុងលុកលុយ៕
ឆ្នាំមមែ
រាសីល្អជាមធ្យម។
ការងារ ៖ ក្នុងថ្ងៃនេះបើទោះធ្វើអ្វីក៏ដោយលោកអ្នកត្រូវសន្សឹមៗកុំបំបោលហើយត្រូវឱ្យប្រយ័ត្នសត្រូវក្បែរខ្លួនបន្តិចព្រោះគេងាយបង្កផលលំបាកដែលលោកអ្នកត្រូវរាប់រងណាស់ផង។
ជំនួញ ៖ បើលោកអ្នកចង់ជួញធំដុំមិនសូវកាក់កបប៉ុន្មានទេពិសេសប្រយ័ត្នជួបគ្រោះចាញ់បោកគេឬការបណ្តាក់ទុនហើយមិនហុចផលអ្វីមកវិញ។ក្រៅពីនេះលោកអ្នកទោះធ្វើអ្វីៗក៏ដោយត្រូវចេះប៉ាន់ប្រមាណហើយពុំត្រូវលោភលន់ទេបើមិនដូច្នេះនឹងជួបរឿងសោកសង្រេងជាក់ជាពុំខាន។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការចាប់កំហុសព្រោះតែភាពចង់ឈ្នះគ្នាមានច្រើនក្នុងខ្លួនម្នាក់ៗ៕
ឆ្នាំវក
រាសីខ្ពស់ត្រដែត។
ការងារ ៖ នាថ្ងៃនេះឃើញថា ដំណើរជីវិតរបស់លោកអ្នកបានផ្លាស់ប្តូរមកល្អប្រសើរឡើងវិញពិសេសស្ត្រីតែម្តង។ក្នុងពេលនេះដែរសម្រាប់ស្ត្រីជួបនូវបញ្ហាខ្វាយខ្វល់និងរឿងរាវប្រទាំងប្រទើសច្រើនចំពោះមុខ។
ជំនួញ ៖ លោកអ្នកអាចបើកហាងថ្មីឬទិញកន្លែលក់ដូរថ្មីតែងជោគជ័យដូចសមប្រកបផង។
ស្នេហា ៖ កំលោះក្រមុំឬពោះម៉ាយមេម៉ាយក្តីបើមិនទាន់មានគូគាប់កុំឃើញភ្លាមស្រឡាញ់ភ្លែតនាំជួបផលលំបាកនៅគ្រាក្រោយ៕
ឆ្នាំរកា
រាសីស្រុតចុះ។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកបំពេញកិច្ចការងារដែលនៅសេសសល់ឬការងារចាស់ៗពីព្រោះថាផលល្អតែងហុចមកវិញផង។
ជំនួញ ៖ ការរកផលកម្រៃមិនសូវមានស្ថានភាពតានតឹងប៉ុន្មានទេតែចូរប្រយ័ត្នគ្រោះបាត់បង់របស់ដោយប្រការណាមួយ។ការធ្វើដំណើរជិតឆ្ងាយពុំសូវល្អប៉ុន្មានទេគួរបន្ថៃមការប្រុងប្រយ័ត្នពីបញ្ហាចរាចរបន្តិចទើបប្រសើរ។
ស្នេហា ៖ ប្រុសស្រីបើជាគូស្នេហ៍ទើបស្គាល់គ្នាងាយបាត់បង់ទៅវិញនិងមានភាពចិត្តរារែកច្រើន៕
ឆ្នាំច
រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារដួងរាសីឡើងខ្ពស់ ដូចនេះអាចមានដំណឹងល្អអ្វីមួយឱ្យសប្បាយចិត្តឬពិសេសអាចមានជោគលាភហូរចូលផង។
ជំនួញ ៖ ទោះចេញធ្វើជំនួញទីជិតឆ្ងាយលោកអ្នកត្រូវចេះធ្វើសត្រូវឱ្យក្លាយជាមិត្តហើយត្រូវចេះបើកចិត្តឱ្យទូលាយដោយមិនត្រូវយកភាពឈ្នានីសដាក់ខ្លួននោះទើបអ្វីៗលូតលាស់និងមានក្តីចម្រុងចម្រើនទៅមុខ។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីមានការនឹករលឹកនិងប្រាស្រ័យទាក់ទងគ្នាល្អណាស់៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកពុំគាប់ប្រសើរទេពីព្រោះត្រូវឆ្លងកាត់ផ្លូវរដិបរដុបនិងបញ្ហាប្រទាំងប្រទើសមិនតិចដែរទេ។ក្រៅពីនេះលោកអ្នកអាចត្រូវទទួលរងការរំលោភបំពានពីអ្នកដទៃឬមិនដូច្នេះក៏អាចទទួលការស្តីបន្ទោសដោយប្រការណាមួយគប្បីមានការប្រយ័ត្នប្រយែង។
ជំនួញ ៖ ទោះលោកអ្នកចេញទៅណាមកណាឆ្ងាយគប្បីមានការប្រយ័ត្នប្រយែងប្រាក់កាសបន្តិចព្រោះងាយបាត់បង់និងក្រុមអន្ធរពាលតាមលួចឆក់ប្លន់ណាស់ដែរ។
ស្នេហា ៖ ស្នេហាប្រុស្រីមានការខ្វាយខ្វល់ព្រោះតែការគិតច្រើនម្នាក់ឯង៕