បាត់ដំបង៖ ភាគីថៃបានបញ្ជូនបុរសជនជាតិខ្មែរចំនួន ២នាក់ ដែលក្លែងខ្លួនធ្វើជាសង្ឃ ដើម្បីឆ្លងដែនចូលទៅធ្វើការនៅប្រទេសថៃ ហើយត្រូវសមត្ថកិច្ចថៃឃាត់ខ្លួន និងបញ្ជូនមកវិញតាមច្រកទ្វារព្រំដែនអន្តរជាតិភ្នំដី ខេត្តបាត់ដំបងនៅថ្ងៃទី៨ ខែវិច្ឆិកា ឆ្នាំ២០២០ វេលាម៉ោង ១១និង៤០នាទី។
ដោយយោងតាមបទបញ្ជារបស់ លោកឧត្តមសេនីយ៍ទោ ប្រធាននាយកដ្ឋានច្រកទ្វារទី១ ប៉ុស្តិ៍បានសហការជាមួយមន្ត្រីចត្តាឡីស័ក ធ្វើការពិនិត្យកំដៅ រួចណែនាំបុគ្គលទាំង ២នាក់ខាងលើ ធ្វើកិច្ចសន្យា និងបានប្រគល់ជូន ទៅអធិការដ្ឋាននគរបាលស្រុកសំពៅលូន ដើម្បីអនុវត្តតាមនីតិវិធីច្បាប់បន្ត៕ដោយ៖បញ្ញាស័ក្តិ