បន្ទាយមានជ័យ៖ នៅថ្ងៃទី ៧ ខែវិច្ឆិកា ឆ្នាំ ២០២០ តំណាង លោក ហ៊ុន ម៉ាណែត និងលោកស្រី ពេជ ចន្ទមុន្នី លោកវេជ្ជបណ្ឌិត ស៊ូ ស៊ីផាណ្ណា បានពាំនាំនូវការសាកសួរសុខទុក្ខពីសំណាក់ថ្នាក់ដឹកនាំសមាគមគ្រូពេទ្យស្ម័គ្រចិត្តយុវជនសម្ដេចតេជោ(TYDA) ដែលមាន លោក ហ៊ុន ម៉ាណែត និងលោកស្រី ពេជ ចន្ទមុន្នី ប្រធានក្រុមប្រឹក្សាភិបាលសមាគម បានយកចិត្តទុកដាក់គិតគូរដល់ការរស់នៅ និងសុខមាភាពប្រចាំថ្ងៃរបស់កងទ័ព គ្រួសារកងទ័ព អតីតយុទ្ធជន គ្រួសារអតីតយុទ្ធជន យោធិនពិការ គ្រួសារយោធិនពិការជាប់ជានិច្ច។
ជាក់ស្ដែងនាពេលនេះ លោក ហ៊ុន ម៉ាណែត និងលោកស្រី ពេជ ចន្ទមុន្នី បានចាត់ក្រុមការងារគ្រូពេទ្យស្ម័គ្រចិត្តគុណសម្ដេចតេជោ(TYDA) រួមជាមួយនឹងសប្បុរសជនយកអំណោយឧបត្ថម្ភជូនដល់គ្រួសារយោធិនពិការចំនួន ៥៩៥គ្រួសារ ក្នុងមជ្ឈមណ្ឌលអភិវឌ្ឍន៍យោធិនពិការ៣១៧ តេជោភ្នំឆ័ត្រ ដោយក្នុងមួយគ្រួសារទទួលបានគ្រឿងឧបភោគ បរិភោគ និងថវិកាចំនួន៥ម៉ឺនរៀល។
នៅក្នុងពិធីថ្ងៃនេះដែរ ក៏មានសប្បុរសជនចំនួន៣រូបទៀត បានជួយឧបត្ថម្ភបន្ថែមជូនគ្រួសារយោធិនទាំង ៥៩៥គ្រួសារ រួមមានលោកជំទាវ កែវ បូរីវង្ស ពិសេន ឧបត្ថម្ភសារ៉ុងចំនួន៦០០ លោកជំទាវ សេង សុខុម ឧបត្ថម្ភសៀវភៅ១២០០ក្បាល និងលោក សូ ហុង ឧបត្ថម្ភថវិកា មួយគ្រួសារទទួល៥០០០រៀល បន្ថែម៕ដោយ៖CEN
