ឆ្នាំជូត
រាសីស្រុតចុះ។
ការងារ ៖ នៅថ្ងៃនេះបើមានអ្វីមួយចូលមកកកូរផ្លូវចិត្ត ត្រូវធ្វើមិនដឹងមិនឭឬថ្វើគធ្វើថ្លង់ខ្លះទើបប្រសើរ។
ជំនួញ ៖ មានការថមថយចុះ ហេតុនេះទោះជួញទីជិតឆ្ងាយការរកផលកម្រៃទាល់តែខិតខំខ្លាំងទើបអាចរកប្រាក់ចិញ្ចឹមគ្រួសារគ្រាន់រស់ស្រួលខ្លួន។ការធ្វើដំណើរទីជិតឆ្ងាយនៅក្នុងពេលនេះមិនគប្បីសេពគប់ល្បែងស្រីស្រាឡើយប្រយ័ត្ននាំឧបទ្រពចង្រៃដាក់ខ្លួន។
ស្នេហា ៖ ប្រុសស្រីមានការរកាំចិត្តនិងប្រទាំងប្រទើសចិត្តគ្នាបន្តិច៕
ឆ្នាំឆ្លូវ
រាសីស្រុតចុះ។
ការងារ ៖ នៅថ្ងៃនេះបើលោកអ្នកធ្វើអ្វីមួយពាក់ព័ន្ធទៅនឹងឯកសារឬប្រាក់កាសត្រូវចេះត្រួតពិនិត្យមើលឱ្យបានត្រឹមត្រូវទើបគ្មានបញ្ហាមិនល្អណាមួយចោទឡើង។ទាំងស្ត្រីបុរសក្នុងថ្ងៃនេះលោកអ្នកទោះធ្វើអ្វីក៏ដោយមិនត្រូវមានអារម្មណ៍មួម៉ៅឬតប់ប្រម៉ល់ច្រើនឡើយពីព្រោះនាំកើតឧបទ្រពចង្រៃមានតែរឿងរាវជម្លោះវិវាទអសារឥតការប៉ុណ្ណោះ។
ជំនួញ ៖ អ្នកអាជីវករមានការទិញចូលលក់ចេញមានភាពតានតឹងច្រើនពិសេសអាចមានជម្លោះវិវាទថែមទៀត។
ស្នេហា ៖ កំលោះក្រមុំកុំគប្បីមានការជ្រួលជ្រើមខុសបែបបទប្រយ័ត្នការសប្បាយក្លាយជាទុក្ខវិញ៕
ឆ្នាំខាល
រាសីល្អជាមធ្យម។
ការងារ ៖ នៅក្នុងថ្ងៃនេះលោកអ្នកអាចជួបបញ្ហាស្មុគ្រស្មាញទាំងការងារ,បញ្ហាប្រាក់កាសនិងរឿងផ្ទាល់ខ្លួនផង។
ជំនួញ ៖ មានការទិញចូលលក់ចេញគ្រាន់រស់រវើកបន្តិចវិញហើយបើលោកអ្នកចង់បើករបរអ្វីមួយតែងសមដូចប្រកបជានិច្ច។ការធ្វើដំណើរទីជិតឆ្ងាយមិនថាផ្លូវគោកផ្លូវទឹកឬផ្លូវអាកាសក្តីតែងជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ មិនថាកំលោះក្រមុំឬពោះម៉ាយមេម៉ាយក្តីមានភាពស្រស់ស្រាយប្រពៃនិងមានសុខដុមផង៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ហេតុនេះបើលោកអ្នកចាត់ចែងឬដោះស្រាយបញ្ហាឯកសារចាស់ឬរឿងរាវចាស់ៗចេញក៏ប្រសើរដែរ។
ជំនួញ ៖ មុខជំនួញទាំងតូចទាំងធំបើចង់ចរចាទិញឬដោះដូរទំនិញអ្វីមួយដោយមិនត្រឹមឆាប់ត្រូវរ៉ូវគ្នាទេ តែអាចសម្រេចជោគជ័យយ៉ាងឆាប់រហ័សទៀតផង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីមានការរីកលូតលាស់ទៅមុខនិងបើមិនទាន់មានគូគាប់ពេលនេះជាឱកាសល្អក្នុងការស្វែងរកបំផុត៕
ឆ្នាំរោង
រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតរបស់លោកអ្នកមានសុខដុមល្អ ហើយការប្រកបការងារអ្វីមានការរីកលូតលាស់សន្សឹមៗហើយទោះធ្វើអ្វីៗក៏តែងហុចផ្លែផ្កាមកវិញគ្រាន់កក់ក្តៅជានិច្ច។
ជំនួញ ៖ ការជួញទីជិតឆ្ងាយលាភប្រាក់កាសពុំមានសម្បូរទេ ដូច្នេះទាល់តែលោកអ្នកខិតខំខ្លាំងទើបរកប្រាក់ចំណូលគ្រប់គ្រាន់ចិញ្ចឹមឆ្នាំងបាយទៅរួច។
ស្នេហា ៖ កំលោះក្រមុំមានការលូតលាស់ទៅមុខនិងមានភាពចុះសម្រុងគ្នាល្អណាស់ដែរ៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកណាត់ចរចាឬទំនាក់ទំនងអ្វីមួយតែងទទួលផលគ្រាន់ជាទីកក់ក្តៅមួយចំនួនត្រឡប់មកវិញ។
ជំនួញ ៖ អ្នកប្រកបជំនួញតូចធំលោកអ្នកបើចង់បន្ថែមដើមទុនក៏អាចផ្តល់ផ្លែផ្កាល្អៗមកវិញជាងអាក្រក់ដែរ។ចំណែកអ្នកប្រកបរបររកស៊ីជួញដូរវិញការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីមានភាពលូតលាស់ប្រពៃហើយបើលោកអ្នកចង់បើករបរថ្មីក៏ជាឱកាសល្អប្រពៃណាស់ដែរ។
ស្នេហា ៖ ប្រុសស្រីមានការចេះអត់ឱនឱ្យគ្នានិងផ្អែមល្ហែមល្អ៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីងាយភ្លាំងភ្លាត់និងពិសេសមានបញ្ហាច្រើន ហេតុនេះត្រូវអត់ធ្មត់បន្តិចទើបគ្មានបញ្ហាឧបទ្រពចង្រៃចូលមកយាយីកើត។
ជំនួញ ៖ ជួបបញ្ហាសៅហ្មងបន្តិចតែមុខរបរមានស្ថានភាព ដូចសព្វមួយដង។
ស្នេហា ៖ ប្រុសស្រីកុំគប្បីយកភាពប្រកែប្រកាន់ដាក់ខ្លួនច្រើននាំតែកើតរឿងសៅហ្មងចំពោះគ្នាប៉ុណ្ណោះ៕
ឆ្នាំមមែ
រាសីល្អជាមធ្យម។
ការងារ ៖ នៅថ្ងៃនេះលោកអ្នកមិនគប្បីលេងល្បែងស៊ីសងឡើយពីព្រោះថាមានតែអន្តរាយច្រើនជាងនិងក្រៅពីនេះការបំពេញការងារអ្វីតែងមិនសម្រេចដូចគាប់បំណងប៉ុន្មាននោះដែរ។
ជំនួញ ៖ អ្នកអាជីវករលោកអ្នកមិនត្រូវលោភលន់ចង់បានជ្រុលឬមានភាពច្រណែនឈ្នានីសមិនមើលមុខមើលក្រោយបើពុំនោះនឹងនាំផលលំបាកដាក់ខ្លួនទៅវិញទេ។
ស្នេហា ៖ កំលោះក្រមុំមិនត្រូវភ្លើតភ្លើននឹងសេចក្តីស្នេហាខុសរបៀបពេកឡើយត្រូវចេះអប់រំខ្លួនឯងទើបប្រសើរបំផុត៕
ឆ្នាំវក
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកទំនាក់ទំនងការងារឬធ្វើពិធីអ្វីមួយផង។ការងារតូចធំលោកអ្នកត្រូវពុះពារទើបមិនជួបផលលំបាកនៅថ្ងៃខាងមុខ។សម្រាប់ថ្ងៃនេះដែរបើលោកអ្នកបំពេញការងារតែងឆាប់ចប់និងទទួលជោគជ័យភាគច្រើនជានិច្ច។
ជំនួញ ៖ ទោះមានភាពស្ងប់ស្ងាត់បន្តិចពិតមែនតែក៏មានភាពសុខដុម ហើយបើចង់ផ្លាស់ប្តូរមុខរបរជាការប្រពៃបំផុត។
ស្នេហា ៖ កំលោះក្រមុំមានការជឿនលឿនទៅមុខនិងកំពុងផ្អែមល្ហែមប្រពៃ៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះបើមានកិច្ចការងារណាមួយសំខាន់ឬបញ្ហាប្រាក់កាសលោកអ្នកអាចសម្រុកបានហើយ ពីព្រោះថាផលជាផ្លែផ្កាតែងហុចមកវិញគ្រាន់កក់ក្តៅផងដែរ។ក្រៅពីនេះលោកអ្នកអាចទទួលដំណឹងល្អហើយការបំពេញការងារមានភាពភ្លឺថ្លាជានិច្ច។
ជំនួញ ៖ ការធ្វើដំណើរឆ្ងាយជិតជួបភាពសុខដុមដូចសព្វមួយដង។
ស្នេហា ៖ កំលោះក្រមុំបើមិនទាន់មានគូគាប់ហើយចង់ចូលស្តីដណ្តឹងឬចង់ទំនាក់ទំនងជាមួយនរណាម្នាក់ក៏តែងទទួលការឆ្លើយតបល្អៗមកវិញជានិច្ច៕
ឆ្នាំច
រាសីស្រុតចុះ។
ការងារ ៖ នៅថ្ងៃនេះលោកអ្នកគប្បីបន្ថែមការប្រុងប្រយ័ត្នបន្តិច ពីព្រោះថាផលអាក្រក់ងាយកើតឡើងត្រូវឆ្លងកាត់ផង។
ជំនួញ ៖ មានការរីកលូតលាស់តិចតួចតែយ៉ាងណាការជួញទីជិតឆ្ងាយការរកផលកម្រៃនោះទោះមិនច្រើនពិតមែនក្តីតែក៏មានភាពសុខដុមគួរជាទីកក់ក្តៅផង។
ស្នេហា ៖ ប្រុសស្រីកុំមានចិត្តរេដូចចុងស្រល់ប្រយ័ត្នកម្មពៀរវាឆ្លងម្តងម្នាក់វិញ៕
ឆ្នាំកុរ
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកឃើញថាមានការចម្រើនលូតលាស់សន្សឹមៗទៅមុខ ហើយធ្វើអ្វីក៏តែងសម្រេចជោគជ័យផង។ទាំងស្ត្រីបុរសការប្រកបការងារលោកអ្នកត្រូវធ្វើដោយសេចក្តីស្ងប់ហើយមិនត្រូវយកភាពមោហៈទោសៈដាក់ខ្លួនឡើយទើបប្រសើរហោង។
ជំនួញ ៖ ការចេញធ្វើជំនួញមិនថាផ្លូវគោកផ្លូវទឹកផ្លូវអាកាសក្តីតែងមានភាពសុខដុមហើយផលកម្រៃទៀតសោតបានគ្រាន់បំពេញបំពង់អញ្ចឹងដែរ។
ស្នេហា ៖ ប្រុសស្រីមានការខ្វាយខ្វល់និងប្រចែប្រច័ណ្ឌច្រើនដោយសារម្នាក់ៗមិនសូវយកចិត្តទុកដាក់គ្នាប៉ុន្មានឡើយ៕
