ភ្នំពេញ៖ តារាចម្រៀង សួស វីស្សា និងស្វាមីគឺលោកថមមី ក្រោយពីបានរៀបអាពាហ៍ពិពាហ៍កាលពីថ្ងៃទី២៩ធ្នូ ឆ្នាំ២០១៩ កន្លងទៅ បច្ចុប្បន្នទទួលបានសមាជិកថ្មីដ៏គួរឱ្យស្រឡាញ់ម្នាក់ជាចំណងដៃអាពាហ៍ពិពាហ៍។
ក្រោយពីទទួលបានសមាជិកថ្មីក្នុងគ្រួសារដែលស្មើរនិងគ្រាប់ពេជ្យប្រចាំចិត្ត កាលពីថ្ងៃម្សិលមិញនេះអ្នកនាង សួស វីស្សា និងស្វាមីព្រមទាំងក្រុមគ្រួសាបានសម្រេចរៀបចំកម្មវិធីចេញខែកូនស្រីជាទីស្រឡាញ់ជាមួយនិងការគួចដៃជាទឹកប្រាក់ចំនួន 9,999$។ អ្នកនាង សួស វីស្សា ជាមួយស្វាមីបានឱ្យដឹងថា នេះមិនមែនជាចំនួនគួចដៃសរុបនោះទេ ដោយអ្នកទាំង២បញ្ជាក់ថា ចំនួនទឹកប្រាក់9,999$ សម្រាប់តែនាងម្នាក់ឯង ចំណែកលោកថមមីនិង ឪពុកម្តាយទាំងសង្ខាងក៏បានគួចដៃក្នុងចំនួនទឹកប្រាក់ដូចគ្នានេះដែរ ដែលសរុបមក សម្រាប់នាងនិងស្វាមីថែមតែ2$ ទៀតប៉ុន្នោះស្មើរនិង20,000$ ទៅហើយ។
គួរបញ្ជាក់ថា មូលហេតុដែលអ្នកទាំង២យកចំនួនទឹកប្រាក់នេះគួចដៃកូន ក៏ព្រោះតែផ្ទះអ្នកនាងរស់នៅលេខ៩ រថយន្តដែលជិះសព្វថ្ងៃលេខ៩ មានសមាជិកគ្រួសារ៩នាក់ ហើយពិសេសជាងនេះទៅទៀតនោះ កូនអ្នកនាងបានកើតនៅម៉ោងហ៊ុងស៊ុយល្អតែម្តងគឺម៉ោង៩និង៩នាទីព្រឹក៕ ដោយ៖ កូលាប ក្រហម