ភ្នំពេញ៖ការអះអាងនេះបានធ្វើឡើងដោយលោក ថុន ប៉ូរ៉ា , អគ្គនាយកក្រុមហ៊ុនខេអេចលែន កាលពីល្ងាចថ្ងៃទី៨ ខែវិច្ឆិកា ឆ្នាំ២០២០ ក្នុងពិធីប្រកាសបើកលក់ផ្ទះនៅក្នុងគម្រោងពាណិជ្ជកម្មភ្នំតូច ដែលព្រឹត្តទៅនៅក្នុងពេលជួបជុំដៃគូសហការរបស់ក្រុមហ៊ុនខអេចលែន(KH Land )និងបានបង្ហាញពីការប្រូម៉ូ សិន បញ្ចុះតម្លៃសមរម្យដល់អតិថិជនទូទៅបានចំណេញសន្ធឹកសន្ធាប់ផងដែរ។
លោក ថុន ប៉ូរ៉ា , អគ្គនាយកក្រុមហ៊ុនខេអេចលែន បានវិស័យអចលនទ្រព្យបានដើរតួយ៉ាងសំខាន់ ក្នុងការជួយពង្រឹងសេដ្ឋកិច្ចជាតិកម្ពុជា ឲ្យមានសន្ទុះកាន់តែខ្លាំងខ្លាំនាពេលបច្ចុប្បន្ននឹងទៅអនាគត។ ទោះបីយើងស្ថិតនៅក្នុងប៉ះពាល់នៃជំងឺកូវីដកាលពីដើមឆ្នាំ២០២០តិចតូចក្តី។ តែវិស័យអចលនទ្រព្យមិនប៉ះពាល់ធ្ងន់ធ្ងរនោះទេ ព្រោះក្រុមហ៊ុនវិនិយោគនៅតែបន្តបណ្តាក់ទុនសាងសង់បុរី ផ្ទះល្វែង វិឡា ផ្សារនិងហេដ្ឋារចនាសម្ព័ន្ធនានាដដែល។
លោកអគ្គនាយកក្រុមហ៊ុនខេអេខលែនបន្តថា ការជួបជុំផ្សព្វផ្សាយដែលមានបុគ្គលិក និងតំណាងគូសហការជាង១០០នាក់ចូលរួមនេះ គឺជាការរៀនសូត្រមួយទៀត ក្នុងវិស័យអចលនទ្រព្យនិងគន្លឹះ ក្នុងការក្លាយខ្លួនជាអ្នកពូកែខាងផ្នែកអចលនទ្រព្យប៉ុណ្ណោះទេ ប៉ុន្តែអ្នកចូលរួមថែមទាំងអាចចាប់យកឱកាសចំណេញក្នុងការប្រូម៉ូសិននេះផងដែរ។
ក្រុមហ៊ុនអេចលែន (KH Land ) បានរៀនចំពិធីប្រកាសលក់ផ្ទះនៅក្នុងគម្រោងទីក្រុងពាណិជ្ជកម្មភ្នំតូច ដែលមានការប្រូម៉ូសិនយ៉ាងច្រើនសន្ធឹកសន្ធាប់ និងពិធីពិសាអាហារជួបជុំដៃគូសហការ នៅថ្ងៃទី៨ ខែវិច្ឆិកា ឆ្នាំ២០២០នេះ។
លោកថុន បូរ៉ា អគ្គនាយកក្រុមហ៊ុនខេអេចលែន បានលើកឡើងថា កម្មវិធីនេះ មិនត្រឹមតែផ្ដល់ ចំណេះដឹងអំពីបច្ចុប្បន្នភាពនៃវិស័យអចលនទ្រព្យនិងគន្លឹះក្នុងអភិវឌ្ឍខ្លួនឱ្យក្លាយជាអ្នកជំនាញផ្នែកអចលនទ្រព្យដ៏ពូកែប៉ុណ្ណោះទេ ក៏ប៉ុន្តែអ្នកចូលរួម ថែមទាំងអាចចាប់យកឱកាសចំណេញពីការ ប្រូម៉ូសិនជាច្រើននេះផងដែរ។
នៅចំពោះមុខដៃគូសហការជាច្រើននាក់ លោកថុន បូរ៉ា បានបង្ហាញថា ក្រុមហ៊ុនខេអេចលែន បាន យកចិត្តទុកដាក់ខ្ពស់ទៅលើគុណភាពសំណង់ ដែលមានស្តង់ដាសមស្របទៅតាមបច្ចេកទេស និងជ្រើស រើសសំភារៈដែលមានគុណភាពល្អសម្រាប់សាងសង់ផ្ទះ និងអគារនីមួយៗ រួមទាំងប្រកាស ផ្ដល់ជូនកាដូដល់អតិថិជនដែលទិញផ្ទះនៅក្នុងគម្រោងទីក្រុងពាណិជ្ជកម្មភ្នំតូចដំបូង នូវការបញ្ចុះ តម្លៃពិសេស រង្វាន់ទូទឹកកក ទូរទស្សន៍ និងការរចនាផ្ទះបាយ លក្ខខណ្ឌបង់ប្រាក់ ងាយស្រួល រួមជា មួយនិងលក្ខខណ្ឌពិសេសជាច្រើនទៀត។
លោកថុន បូរ៉ា ចាត់ទុកការប្រូមូសិននៅពេលនេះ គឺជាឱកាសដ៏ល្អបំផុត សម្រាប់ដៃគូសហការ និងអតិថិជន ដែលអាចវិនិយោគដើម្បីចំណេញបានច្រើន។ ម្យ៉ាងវិញទៀត ក្រុមហ៊ុនខេអេចលែន ជាក្រុម ហ៊ុនស្របច្បាប់ត្រឹមត្រូវ មានមូលដ្ឋានគ្រឹះរឹងមាំ មានចក្ខុវិស័យវែងឆ្ងាយនិងច្បាស់លាស់ ព្រមទាំង មានគម្រោងអភិវឌ្ឍន៍ល្អៗនៅតំបន់ដ៏មានសក្ដានុពលសេដ្ឋកិច្ច ។
គម្រោងទីក្រុងពាណិជ្ជកម្មភ្នំតូច មានទំហំ១០០ហិកតា ដែលមានការអភិវឌ្ឍដូចជា ដីឡូតិ៍ ផ្ទះ អាជីវកម្ម វីឡាទោល វីឡាកូនកាត់ មជ្ឈមណ្ឌលពាណិជ្ជកម្មទាំង១០ប្រភេទ ផ្សារធំទូលាយ និងទីធ្លារ សម្រាប់រៀបចំកម្មវិធីនិងពិព័រណ៍ពាណិជ្ជកម្ម រួមជាមួយនិងហេដ្ឋារចនាសម្ព័ន្ធជាច្រើនដូចជា ប្រព័ន្ធផ្លូវ បេតុង ប្រព័ន្ធលូ ប្រព័ន្ធទឹកភ្លើង ជាដើម ។
គម្រោងដ៏ប្រណិតនេះ មានទីតាំងស្ថិតនៅជិតផ្លូវ៥១ និងជិតសួនឧស្សាកម្មកាណាឌីយ៉ាទំហំ៥០០ ដែលជាតំបន់កំពុងមានការអភិវឌ្ឍដូចជា ផែស្ងួត រោងចក្រ សហគ្រាសធំៗ ឃ្លាំងផ្ទុកទំនិញនានា ក៏ដូចជាគម្រោងអភិវឌ្ឍលំនៅដ្ឋានជាដើម។ ដូចនេះ ក្នុងពេលអនាគតដ៏ខ្លី គម្រោង ទីក្រុង ពាណិជ្ជ កម្មភ្នំតូច នឹងក្លាយជាតំបន់ដ៏មានសក្ដានុពលបំផុត ក្នុងការរស់នៅ ការប្រកបអាជីវកម្ម និង ការ វិនិយោគផ្សេងៗជាច្រើនទៀត។
ដៃគូសហការទាំងអស់ដែលបានចូលរួមពិធីនេះ បានលើកឡើងនូវមតិដូចៗគ្នាថា ពួកគាត់ពិតជា មានមោទនភាពដែលបានជ្រើសរើសដៃគូសហការបានត្រូវ គឺក្រុមហ៊ុនខេអេចលែននេះ ហើយនិង បានទទួលលទ្ធផលជោគជ័យដ៏ច្រើននាពេលកន្លងមក ព្រោះក្រុមហ៊ុនមានមូលដ្ឋានរឹងមាំ មានថ្នាក់ ដឹកនាំប្រកបដោយភាពឈ្លាសវៃនិងប៉ុនប្រសព្វ មានគម្រោងអភិវឌ្ឍន៍ល្អៗ ថែមទាំងមាន ប្រូម៉ូសិន បញ្ចុះតម្លៃនិងរង្វាន់ជាច្រើន។
ក្នុងនាមជាដៃគូសហការ ពួកគាត់បានសង្កេតឃើញថា ក្រុមហ៊ុនខេអេចលែន តែងតែយកចិត្តទុកដាក់ សំខាន់ទៅលើ ការធ្វើយ៉ាងណាឱ្យអតិថិជនទទួលបានគុណភាពខ្ពស់នៃសំណង់ ព្រមទាំងផលចំណេញច្រើន ដៃគូសហការទទួលបានជោគជ័យ ដែលកត្តានេះ ធ្វើឱ្យក្រុមហ៊ុនទទួលបាននូវទំនុកចិត្តខ្ពស់ និងមានការរីកចម្រើន៕ ដោយ៖CEN
