ភ្នំពេញ៖បុរសម្នាក់បានបើករថយន្តកូរ៉េដឹកការ៉ូ គេចពីរថយន្តមួយគ្រឿងទៀត បានរេចង្កូតលើសួនច្បារបុកផ្លាកប៉ាណូចរាចរណ៍រាបដល់ដី។ ហេតុការណ៍នេះ បានកើតទ្បើងនៅវេលាម៉ោង១០និង៤០នាទី ថ្ងែទី១០ ខែវិច្ឆិកា ឆ្នាំ២០២០ នៅតាមបណ្តោយផ្លូវ២១៧ ទល់មុខនឹងស្រាបៀរកម្ពុជា ស្ថិតនៅក្នុងសង្កាត់ជើងឯក ខណ្ឌដង្កោ រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តកូរ៉េដឹកការ៉ូមួយគ្រឿង ដែលពាក់ផ្លាកលេខភ្នំពេញ2E5402 ពណ៌ខៀវ បើកបរក្នុងទិសដៅពីត្បូងទៅជើង លុះមកដល់និងមុខស្រាបៀរកម្ពុជា ក៏បានគេចពីរថយន្តមួយគ្រឿងទៀត ក៏រេចង្កូតទៅបុកផ្លាកប៉ាណូចរាចរណ៍បណ្តោលឲ្យបាក់រាបដល់ដី បណ្តោលឲ្យរថយន្តរងការខូចខាតយ៉ាងដំណំ។
ក្រោយពេលកើតហេតុបានឃើញសមត្ថកិច្ចប៉ុស្តិ៍នគរបាលសង្កាត់ជើងឯក បានចុះមកកន្លែងកើតហេតុ ក៏វាស់វែងហើយក៏ប្រគល់រថយន្តបង្កទៅរក្សាទុក នៅសាលាខណ្ឌដង្កោ ដើម្បីដោះស្រាយគ្នានៅពេលក្រោយ៕ដោយ៖មីដា ផាន់ណា
