ភ្នំពេញ៖ក្រសួងទេសចរណ៍ នាថ្ងៃទី១១ ខែវិច្ឆិកា ឆ្នាំ២០២០នេះ បានចេញលិខិតស្នើដល់ម្ចាស់អាជីវកម្មក្លឹបហាត់ប្រាណទូទាំងប្រទេស ត្រូវផ្អាកដំណើរការអាជីវកម្មរបស់ខ្លួន ដើម្បីបង្ការទប់ស្កាត់ជំងឺកូវីដ-១៩ និងដើម្បីការពារសុវត្ថិភាពទាំងនៅក្នុង និងក្រៅសណ្ឋាគារ។
ក្រសួងទេសចរណ៍ បានឲ្តដឹងថា ដើម្បីចូលរួមបង្ការ និងទប់ស្កាត់ការរីករាលដាលជំងឺកូវីដ១៩ (COVID-19) ដោយអនុវត្តតាមសេចក្តីណែនាំ របស់រាជរដ្ឋាភិបាល និងក្រសួងសុខាភិបាល ក្រសួងទេសចរណ៍ស្នើសុំឱ្យអាជីវកម្មក្លឹបហាត់ប្រាណដើម្បីសុខភាព នៅក្នុង និងក្រៅសណ្ឋាគារ នៅទូទាំងរាជធានី ខេត្ត ផ្អាកអាជីវកម្មជាបណ្តោះអាសន្ន រហូតមានការជូនដំណឹងជាថ្មី៕ដោយ៖បញ្ញាស័ក្តិ