ខេត្តស្វាយរៀង៖បុរសម្នាក់បានរងរបួសធ្ងន់ ដោយសារគ្រោះថ្នាក់ចរាចរណ៍រវាងម៉ូតូរឺម៉កដឹកសាច់ជាមួយរថយន្ត ដែលហេតុការណ៍ខាងលើនេះ បានកើតឡើងកាលពីវេលាម៉ោង៥និង៣៥នាទីព្រឹក ថ្ងៃទី ១៣ ខែវិច្ឆិកា ឆ្នាំ២០២០ លើផ្លូវជាតិលេខ ១ ត្រង់ គីឡូម៉ែត្រលេខ ១២៣/១២៤ ស្ថិតក្នុងភូមិ ចុងព្រែក សង្កាត់ ស្វាយរៀង ក្រុង ស្វាយរៀង ។
សមត្ថកិច្ចបានឲ្យដឹងថា ករណីគ្រោះថ្នាក់ចរាចរណ៍មួយកើតឡើងរវាងរថយន្ដម៉ាក CAMRY ពណ៌ សំបកឪឡឹក ពាក់ផ្លាកលេខ ភ្នំពេញ ២I ៨៥៧៣ បើកបរដោយឈ្មោះ យ៉ន សារ៉ាក់ធារ៉ា ភេទ ប្រុស អាយុ ២១ ឆ្នាំ មុខរបរ លក់ដូរ រស់នៅភូមិស្វាយជ្រំ ឃុំស្វាយជ្រំ ស្រុក ស្វាយជ្រំ ខេត្តស្វាយរៀង បើកបរពីលិចទៅកើត អ្នកបើកបរគ្មានរបួស រថយន្ដខូចខាតធ្ងន់ ។ ចំណែក ម៉ូតូរឺម៉កម៉ាក Wave ពណ៌ ខ្មៅ គ្មានផ្លាកលេខ បើកបរដោយឈ្មោះ ទេស សារ័ត្ន ភេទ ប្រុស អាយុ ៤១ ឆ្នាំ មុខរបរ លក់ដូរ រស់នៅភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង បើកបរពីត្បូងទៅជើង មិនពាក់មួកសុវត្ថិភាព ( អ្នកបើកបររងរបួសធ្ងន់ ) ម៉ូតូរឺម៉កខូចខាតធ្ងន់ ។
ប្រភពខាងលើបានបន្ថែមទៀតថា ចំពោះមធ្យោបាយត្រូវបានយកទៅ រក្សាទុកនៅអធិការដ្ឋាននគរបាលក្រុង ស្វាយរៀង ។
បច្ចុប្បន្នអ្នករបួសបញ្ជូនទៅសម្រាកព្យាបាលនៅមន្ទីរពេទ្យនៅភ្នំពេញ ហើយមូលហេតុ ដែលបង្កឲ្យមានគ្រោះថ្នាក់ចរាចរណ៍ខាងលើនេះ បណ្តាលមកពីអ្នកបើកបរម៉ូតូរឺម៉ក មិនគោរពសិទ្ធិអាទិភាព ៕ដោយ៖វ៉ៃកូ
