ព្រះវិហារ ៖ នៅព្រឹកព្រលឹមថ្ងៃសុក្រ ទី១៣ ខែវិចិ្ឆកា ២០២០ មានគ្រោះថ្នាក់ដោយសារជាន់គ្រាប់មីនប្រឆាំងមនុស្ស នៅក្បែរជើងដណ្តើរបុរាណប្រាសាទព្រះវិហារ ដែលបណ្តាឱ្យដាច់ជើងម្ខាង។ អ្នករងគ្រោះជាកម្លាំងនគរបាលជាតិព្រំដែនគោកលេខ៧៩៥ ឈរជើងនៅដំណាក់១នៃដណ្តើរបុរាណនេះ។
អាជ្ញាធរមីន បានផ្សព្វផ្សាយព័ត៌មានថា នៅថ្ងៃទី១៣ ខែវិច្ឆិកា ឆ្នាំ២០២០ វេលាម៉ោង៤និង៣០នាទីទៀបភ្លឺ លោកអនុសេនីយ៍ឯក នួន ធឿន អាយុ៤៦ឆ្នាំ បានជាន់មីនបណ្ដាលឲ្យផ្ទុះដាច់ត្រឹមប្រអប់ជើងខាងឆ្វេងរងរបួសជាទម្ងន់ នៅចំណុចខាងជើងជណ្ដើរបូរាណខាងកើតប្រាសាទព្រះវិហារ ចម្ងាយប្រហែល២០០ ម៉ែត្រ។ បច្ចុប្បន្នជនរងគ្រោះបានបញ្ជូនទៅសង្គ្រោះបន្ទាន់នៅមន្ទីរពេទ្យ១៦ មករា ខេត្តព្រះវិហារ៕ដោយ៖បញ្ញាស័ក្តិ