អស់ទាស់! ក្រោយ ទ្រី សុផានិត ត្រូវបានឱ្យសម្រាកព្យាបាលជំងឺចុះស្រឺតខ្លាំង ស្រាប់តែពូម៉ៅដាក់១ឃ្លាទៅកាន់បងថ្លៃ… ស្តាប់ហើយធានាឈឺថែម!!

November 14, 2020

ភ្នំពេញ៖ ពិតណាស់ ដូចដែលប្រិយមិត្តបានជ្រាបហើយ នារសៀលថ្ងៃទី១៣ ខែវិច្ឆិកា ឆ្នាំ២០២០ ម្សិលមិញ ករណីសមត្ថកិច្ចចាប់ខ្លួន ទ្រី សុផានិត ដែលធ្វើឡើងតាមពាក្យបណ្តឹងរបស់អ្នកស្រី ទ្រី ដាណា ដែលជាប្អូនស្រីបង្កើត បានបង្កឲ្យមានការភ្ញាក់ផ្អើលឡើងកក្រើកបណ្តាញសង្គម និងប្រព័ន្ធផ្សព្វផ្សាយជាច្រើនចុះផ្សាយឡើងព្រោងព្រាតតែម្តង។

តែយ៉ាងណា អ្វីដែលមិននឹកស្មាននោះ គឺខណៈពេលដែលសមត្ថកិច្ចនាំខ្លួនដល់តុលាការ ស្រាប់តែ ទ្រី សុផានិត បានដួលសន្លប់ភ្លាមៗ ធ្វើឲ្យផ្អើលស្លន់ស្លោពេញក្នុងតុលាការតែម្តង។ ហើយការដួលសន្លប់ភ្លាមៗនេះផងដែរ ក៏ត្រូវបានគេជឿថាគឺដោយសារតែនាងទើបតែសម្រាលកូនស្រីបាន៤ខែ ហើយនាងមានអារម្មណ៍តក់ស្លុតក្នុងចិត្តខ្លាំងពេក ទើបពេលនោះធ្វើឲ្យចង្វាក់បេះដូងរបស់នាងលោតញាប់ខុសពីធម្មតា រហូតចុះស្រឺតខ្លាំង ទើបត្រូវបានបញ្ជូនទៅសង្គ្រោះបន្ទាន់។

ជាមួយស្ថានការណ៍ធ្ងន់ធ្ងរនេះផងដែរ ជនសង្ស័យ ទ្រី សុផានិត អាយុ ៣៩ ឆ្នាំ ក៏ត្រូវបានសមត្ថកិច្ចប្រគល់ជូនក្រុមគ្រួសារយកទៅមើលថែព្យាបាលជាបណ្តោះអាន្ន នៅឯបុរីអ័រគីដេ ស្ថិតក្នុងភូមិអ័រគីដេ សង្កាត់អូបែកខ្អម ខណ្ឌសែនសុខ រាជធានីភ្នំពេញ។

ដោយឡែក ខណៈ ទ្រី សុផានិត ជាបងថ្លៃកំពុងស្ថិតក្នុងស្ថានភាពត្រូវបានសង្គ្រោះបន្ទាន់បែបនេះ ស្រាប់តែស្វាមីអ្នកស្រី ទ្រី ដាណា គឺពូម៉ៅ ស្រាប់តែបង្ហោះសារដាក់យ៉ាងឈឺៗបែបនេះថា៖ «សេពគប់ពួកសំដែងយូរៗទៅ ចេះសំដែងហើយ សំដែងសមជាងតួកុនអាជីពទៀត សុំសរសើរនូវល្បិចអ្នកខូច ល្មមៗនឹកមិនឃើញទេល្បិចនេះ»៕ ដោយ៖ លឹម ហុង