ភ្នំពេញ៖ love Riya អ្នកលក់ឡេអនឡាញល្បីឈ្មោះក្រោយពីលែងលះដាច់ស្រេចជាមួយអតីតស្វាមីរូបសង្ហារួច បានផ្តើមស្នេហ៍សាជាថ្មីជាមួយបុរសសង្ហាម្នាក់ទៀត ដែលជានិច្ចកាលតែងបង្ហាញភាពផ្អែមល្ហែមដាក់គ្នាមិនដែលដាច់លើបណ្តាញសង្គម ហើយចុងក្រោយនេះ love Riya លេងឈុតធំតែម្តង ដោយជូនកាដូលោក ដែន សូនី សុទ្ធតែរថយន្តឡិចស៊ីស ស៊េរីចុងក្រោយ។
តាមរយៈបណ្តាញសង្គម Tik Tok លោក ដែន សូនី បានបង្ហោះវីដេអូជាមួយនិងចិត្តរំភើបជាខ្លាំង ដោយបានទទួលកាដូជារថយន្តឡិចស៊ីស៥៧០ ស៊េរីឆ្នាំចុងក្រោយតែម្តង ដោយលោកបានរៀបរាប់ថា «អរគុណម្ចាស់កាដូ អរគុណ love Riya ជាពិសេសសម្រាប់កាដូរថយន្តឡិចស៊ីស៥៧០ ស៊េរីឆ្នាំ២០២១នេះ។
ក្រោយពីការបង្ហោះរួចក៏មានអ្នកលេងបណ្តាញសង្គមតិកតុកជាច្រើន ចូលរួមត្រេកអរ អ្នកខ្លះក៏សរសើរថាលោក ដែន សូនី សំណាងជាងប្តីមុន។
គួរបញ្ជាក់ថា ជារឿយៗគូរស្នេហ៍ទាំង២តែងបង្ហាញភាពស្និទ្ធស្នាលផ្អែមល្ហែម ដោយការទិញកាដូមានតម្លៃឲ្យគ្នាទៅវិញទៅមក ហើយកាលពីពេលកន្លងទៅលោក ដែន សូនី ក៏ទើបតែទិញក្រវិលពេជ្រ២ឈុតជូនជាកាដូសម្រាប់ love Riya ផងដែរ ដែលធ្វើឲ្យអ្នកគាំទ្រយល់ថាលោក ដែន សូនី ហាក់ស្រឡាញ់និងយកចិត្តទុកដាក់ love Riya ជាងស្វាមីមុន៕ ដោយ៖ កូលាប ក្រហម