ព្រះវិហារ៖ ប្រធានរាជបណ្ឌិត្យសភាកម្ពុជា ចាប់ឈើផ្ចឹកដែលត្រូវបានគេកាប់នៅពេលថ្ងៃ នឹងត្រៀមដឹកចេញនៅពេលយប់ ដែលឈើធំៗនេះមានតែនៅ ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប។
លោកបណ្ឌិតសុខទូចប្រធានរាជបណ្ឌិតសភាកម្ពុជាបានសរសេរសារនៅលើហ្វេសប៊ុកថា ដោយសារតែកូវីដ-១៩ ខ្ញុំបានធ្វើដំណើរមកកាន់ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹបទាំងយប់។ នៅវេលាម៉ោង១១យប់ថ្ងៃទី១៣ ខែវិច្ឆិកា ឆ្នាំ២០២០នេះ ចំខួប៣ឆ្នាំនិង៣ខែនៃការទទួលតំណែងជាប្រធានរាជបណ្ឌិត្យសភាកម្ពុជា ខ្ញុំបានទៅចាប់ឈើផ្ចឹកដែលត្រូវបានគេកាប់នៅពេលថ្ងៃនឹងត្រៀមដឹកចេញនៅពេលយប់ ដែលឈើធំៗនេះមានតែនៅ ឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹបតែប៉ុណ្ណោះ។ បើយើងមិនធ្វើកិច្ចការនេះទេ ក្រុមនេះនឹងបំផ្លាញព្រៃឈើធំៗដែលនៅសល់ក្នុងឧទ្យានរាជបណ្ឌិត្យសភាកម្ពុជា តេជោសែន ឫស្សីត្រឹប៕ដោយ៖បញ្ញាស័ក្តិ
