ខេត្តកំពង់ឆ្នាំង ៖ រថយន្តមួយគ្រឿង ឆ្លងប្រព័ន្ធអគ្គិសនី បង្កជាអគ្គិភ័យឆាបឆេះខ្ទេចគ្មានសល់ ស្ថិតនៅចន្លោះគីឡូម៉ែត្រលេខ១២០-១២១ ស្ថិតក្នុងភូមិស្នោ ឃុំខុនរ៉ង ស្រុកបរិបូណ៌ ខេត្តកំពង់ឆ្នាំង នាព្រឹកថ្ងៃចន្ទ ទី១៦ ខែវិច្ឆិកា ឆ្នាំ២០២០ វេលាម៉ោង៦និង៣០នាទី ។
មន្ត្រីនគរបាលស្រុកបរិបូណ៌ បានឪ្យដឹងថា រថយន្តម៉ាកវីស្តូ ពណ៌លឿង ពាក់ផ្លាកលេខ ភ្នំពេញ ២T ៨៧៨១ ត្រូវអគ្គិភ័យឆាបឆេះបណ្ដាលឲ្យខូចខាតអស់ទាំងស្រុង ។ រថយន្តខាងលើនេះជាកម្មសិទ្ធិរបស់ម្ចាស់ឈ្មោះ ម៉េង សាមឌី ភេទប្រុស អាយុ ៣៣ឆ្នាំ រស់នៅក្នុងភូមិកែវឡាតឃុំពន្លៃ ស្រុកបរិបូណ៌ ខេត្តកំពង់ឆ្នាំង ។
មូលហេតុនៃការឆេះនេះ គឺបណ្តាលមកពីឆ្លងប្រព័ន្ធអគ្គិសនីក្នុងរថយន្ត ៕ដោយ៖បញ្ញាស័ក្តិ