ភ្នំពេញ ៖ ជនសង្ស័យចំនួន២នាក់ ពីបទលួចផ្លាកលេខរថយន្ត ចំនួន២បន្ទះ ត្រូវកម្លាំងនគរបាលប៉ុស្តិ៍ និងកម្លាំងនគរបាលអធិការដ្ឋាននគរបាលខណ្ឌ ៧មករា បានឃាត់ខ្លួន ប្រព្រឹត្តនៅចំណុចមុខក្រសួងសុខាភិបាល ផ្លូវ១២៨ ភូមិ៣ សង្កាត់មិត្តភាព ខណ្ឌ ៧មករា កាលពីថ្ងៃទី១៣ ខែវិច្ឆិកា ឆ្នាំ២០២០ ។ ជនសង្ស័យទាំ២នាក់កំពុងឃាត់ខ្លួននៅអធិការរដ្ឋាននគរបាល ខណ្ឌ៧មករា ដើម្បីកសាងឯកសារបញ្ជូនទៅសាលាដំបូងរាជធានីភ្នំពេញ ចាក់ការតាមនីតិវិធីច្បាប់។
ជនសង្ស័យមានឈ្មោះ លី សុបញ្ញ៉ា ភេទប្រុស អាយុ ៣២ ជនជាតិខ្មែរ មុខរបរមិនពិតប្រាកដ មានទីលំនៅផ្ទះជួល មិនចាំលេខ ផ្លូវ១០៧ សង្កាត់មនោរម្យ ខណ្ឌ៧មករា (ពនិត្យទឹកនោមមានសារធាតុញៀន) និងឈ្មោះ អ៊ុក សាវី ភេទប្រុស ៣៩ឆ្នាំ ជនជាតិខ្មែរ មុខរបរជាងភ្លើង មានទីលំនៅ ផ្ទះលេខ ៣Eo ផ្លូវបេតុង សង្កាត់ចោមចៅ ខណ្ឌពោសែនជ័យ (ពិនិត្យទឹកនោមមានសារធាតុញៀន) ត្រូវបានសមត្ថកិច្ចឃាត់ខ្លួននៅថ្ងៃទី១៦ ខែវិច្ឆិកា ឆ្នាំ២០២០ ខណៈជនសង្ស័យអង្គុយក្បែរបងវត្តថ្វាបង្គុំ ផ្លូវ១២៤ សង្កាត់មនោរម្យ ខណ្ឌ៧មករា កម្លាំងបានហៅមកសួរនាំជនទាំង២នាក់ ក៏បានសារភាព ថា ខ្លួនបានធ្វើសកម្មភាព លួចស្លាកលេខរថយន្ត នៅមុខក្រសួងសុខាភិបាល បានផ្លាកលេខចំនួន ១បន្ទះយកទៅលក់ឲ្យឈ្មោះ រះ នៅម្តុំផ្សារ សូរីយ៉ា បានចំនួន ១០០០០០(ដប់ម៉ឺន)រៀល កាលពីថ្ងៃទី១៣ ខែវិច្ឆិកា ឆ្នាំ២០២០ ។
វត្ថុតាង និងសម្ភារចាប់ពីជនសង្ស័យរួមមាន ផ្លាកលេខរថយន្តចំនួន២បន្ទះ ទី១ មានលេខ ភ្នំពេញ 2BD-3398 ទី២ ភ្នំពេញ2BA-8753, ទួណឺវិសចំនួន១ ដែកក្បាលទួណឺវិសចំនួន៤ ម៉ូតូ១គ្រឿងម៉ាកC125 ពាក់ផ្លាកលេខក្រចេះ 1A ៣៦៣៣ ជាមធ្យោបាយជនសង្ស័យជិះធ្វើសកម្មភាព ។
ជនរងគ្រោះ ឈ្មោះ KOWE FEZEU អាយុ៣៩ឆ្នាំ ជនជាតិកាម៉ារូន មុខរបរលក់ដូរ ស្នាក់នៅ១៤៨E5 ផ្លូវ១២៨ សង្កត់មិត្តភាព ខណ្ឌ៧មករា និងជនរងគ្រោះទី២ឈ្មោះ អ៊ឹង ស៊ីតាយ ភេទប្រុស អាយុ៣៨ឆ្នាំ ជនជាតិខ្មែរ មុខរបរលក់ដូរ មានទីលំនៅផ្ទះលេខ ៣១១Eo ផ្លូវ១២៨ ភូមិ១០ សង្កាត់មិត្តភាព ខណ្ឌ៧មករា ។ សម្ភារបាត់បង់រួមមានផ្លាកលេខរថយន្តភ្នំពេញ 2BI-9426 ចំនួន១បន្ទះខាងមុខ ។ ចំពោះផ្លាកលេខចាប់យកពីជនសង្ស័យចំនួន២បន្ទះ សមត្ថកិច្ចបានប្រគល់ជូនជនរងគ្រោះវិញហើយ៕ដោយ៖បញ្ញាស័ក្តិ