ក្រុមហ៊ុន Pfizer របស់អាមេរិកបានចាប់ផ្តើមនូវគម្រោងចែកចាយសាកល្បង ចំពោះការពិសោធវ៉ាក់សាំង COVID-19 ក្នុងរដ្ឋចំនួន៤ របស់សហរដ្ឋអាមេរិក ខណៈក្រុមហ៊ុនផលិតថ្នាំពេទ្យរបស់សហរដ្ឋអាមេរិកមួយនេះព្យាយាមបង្ហាញពីឧបសគ្គនៃចែកចាយដោយប្រឈមមុខនឹងតម្រូវការនៃការផ្ទុកក្នុងកន្លែងត្រជាក់ខ្លាំង។
វ៉ាក់សាំង របស់ក្រុមហ៊ុន Pfizer ដែលត្រូវបានបង្ហាញថាមានប្រសិទ្ធភាពជាង ៩០ ភាគរយក្នុងការការពារវីរុសកូវីដ១៩ ដោយផ្អែកលើទិន្នន័យដំបូង វាត្រូវតែដឹកជញ្ជូននិងរក្សាទុកនៅក្នុងសីតុណ្ហភាព -៧០ អង្សាសេ ពោលគឺទាបជាងកម្រិតវ៉ាក់សាំងពី ២ ទៅ ៨ អង្សាសេ។
ក្រុមហ៊ុន Pfizer បាននិយាយនៅក្នុងសេចក្តីថ្លែងការណ៍មួយកាលពីថ្ងៃច័ន្ទថា៖« យើងសង្ឃឹមថាលទ្ធផលដែលទទួលបានពីអ្នកសាកល្បងការចាក់វ៉ាក់សាំងនេះ នឹងក្លាយជាគំរូមួយសម្រាប់រដ្ឋនៅអាមេរិកនិងរដ្ឋាភិបាលអន្តរជាតិ ស្របពេលដែលពួកគេត្រៀមអនុវត្តកម្មវិធីចាក់វ៉ាក់សាំងការពារកូវីដ-១៩ដ៏មានប្រសិទ្ធភាព។»
ក្រុមហ៊ុន Pfizer បានជ្រើសរើសយករដ្ឋ New Mexico, Rhode Island, Tennessee និងរដ្ឋតិចសាស់សម្រាប់កម្មវិធីនេះបន្ទាប់ពីពិចារណាលើភាពខុសគ្នារវាងទំហំ ដង់ស៊ីតេប្រជាជន ហេដ្ឋារចនាសម្ព័ន្ធនៃការការពារនិងបន្សាំ ហើយនឹងឈានដល់បុគ្គលម្នាក់ៗនៅក្នុងតំបន់ទីប្រជុំជននិងជនបទ។
ក្រុមហ៊ុនរំពឹងថានឹងមានទិន្នន័យសុវត្ថិភាពគ្រប់គ្រាន់អំពីវ៉ាក់សាំង ក្រោយពីការសាកល្បងនៅដំណាក់កាលធំ ៗចុងក្រោយ ដែលកំពុងបន្តនៅសប្តាហ៍ទីបីនៃខែវិច្ឆិកា មុនពេលបន្តដាក់ពាក្យសុំការអនុញ្ញាតឱ្យប្រើប្រាស់ជាបន្ទាន់ (EUA) ។
ក្រុមហ៊ុន Pfizer និងដៃគូរបស់ខ្លួនគឺក្រុមហ៊ុន BioNTech មានកិច្ចព្រមព្រៀងចំនួន ១,៩៥ ពាន់លានដុល្លារដើម្បីផ្គត់ផ្គង់វ៉ាក់សាំងចំនួន ១០០ លានដូសដល់រដ្ឋាភិបាលអាមេរិក ដែលមានជម្រើសក្នុងការទទួលយកនូវថ្នាំបន្ថែមចំនួន ៥០០ លានដូស។
កាលពីព្រឹកថ្ងៃចន្ទ គូរប្រជែង Moderna បាននិយាយថាការពិសោធន៍វ៉ាក់សាំងរបស់ខ្លួនមានប្រសិទ្ធភាព ៩៤,៥ ភាគរយក្នុងការការពារ កូវីដ១៩ ដោយផ្អែកលើទិន្នន័យបណ្តោះអាសន្នពីការសាកល្បងដំណាក់កាលចុងក្រោយដោយផ្តល់ក្តីសង្ឃឹមថា វ៉ាក់សាំងប្រឆាំងនឹងជំងឺកូវីដ១៩នេះ អាចត្រៀមរួចរាល់សម្រាប់ប្រើប្រាស់ក្នុងពេលឆាប់ៗនេះ។ ទាំងវ៉ាក់សាំង Pfizer និង Moderna ប្រើបច្ចេកវិទ្យាថ្មីមួយហៅថាការបញ្ជូនសារសំយោគ RNA ដើម្បីធ្វើឱ្យប្រព័ន្ធភាពស៊ាំប្រឆាំងនឹងវីរុស៕
ប្រភព៖ Reuters
ដោយ៖CEN
