ហូជីមិញ៖ ទីក្រុងហូជីមិញ ដែលជាទីក្រុងមួយក្នុងចំណោមទីក្រុងដទៃទៀតរបស់វៀតណាម ដែលរងផលប៉ះពាល់ខ្លាំងពីការប្រែប្រួលអាកាសធាតុ បានបង្ហាញពីផែនការទប់ទល់នឹងបញ្ហាបម្រែបម្រួលអកាសធាតុនេះ។
នៅប្រទេសវៀតណាម រដូវវស្សាចាប់ពីខែឧសភាដល់ខែតុលា ហើយទីក្រុងនេះតែងតែជួបប្រទះនឹងទឹកជំនន់ជារៀងរាល់ឆ្នាំ។ ការកើនឡើងនៃកម្រិតទឹកទន្លេសៃហ្គននិងដុងណៃ ដោយសារមានភ្លៀងធ្លាក់ខ្លាំងនិងការថយចុះនៃទំហំដី បានធ្វើឱ្យវាទីក្រុងនេះស្ថិតក្នុងបញ្ជីទីក្រុងទាំង ១០ ដែលងាយរងគ្រោះបំផុតដោយសារការឡើងកម្ពស់ទឹកសមុទ្រ។
យោងតាមក្រសួងធនធានធម្មជាតិនិងបរិស្ថាន ទឹកទន្លេនៅក្នុងទីក្រុង អាចកើនឡើងប្រហែល ៣០សង់ទីម៉ែត្រនៅឆ្នាំ ២០៥០ និង ៧៥ សង់ទីម៉ែត្រនៅចុងសតវត្សរ៍ទី ២១នេះ ។ នៅឆ្នាំ ២០៥០ ចំនួនឃុំនិងដែលរងផលប៉ះពាល់ដោយជំនន់ទឹកភ្លៀងនឹងកើនឡើងដល់ ១៧៧ ស្មើនឹង ៦១ ភាគរយនៃផ្ទៃដីសរុបរបស់ទីក្រុងហូជីមិញ។
វានឹងប៉ះពាល់ដល់ការដឹកជញ្ជូនសកម្មភាពឧស្សាហកម្មនិងកសិកម្ម។ វាគឺជាសញ្ញាក្រើនរំលឹកបន្ទាន់មួយ។ គណៈកម្មាធិការប្រជាជនទីក្រុង បានធ្វើការជាមួយទីភ្នាក់ងារពាក់ព័ន្ធដើម្បីរៀបចំផែនការដើម្បីទប់ទល់នឹងការប្រែប្រួលអាកាសធាតុ។
មានផែនការនិងគម្រោងចំនួន ៥៦ ដើម្បីកាត់បន្ថយការបំភាយឧស្ម័នផ្ទះកញ្ចក់និងកៀរគរធនធានដើម្បីអាចឆ្លើយតបបានភ្លាមៗចំពោះការប្រែប្រួលអាកាសធាតុ។ ទីក្រុងហូជីមិញ នឹងផ្តោតលើការការពារគ្រោះមហន្តរាយធម្មជាតិ និងផ្លាស់ប្តូរទីលំនៅប្រជាជន ដែលរស់នៅកន្លែងដែលមានហានិភ័យនៃការរងផលប៉ះពាល់ពីការប្រែប្រួលអាកាសធាតុ។ ទីក្រុងនឹងប្រើប្រាស់ថវិការបស់ខ្លួនដើម្បីអនុវត្តផែនការទាំងនេះ។
ក្រសួងធនធានទឹកនិងបរិស្ថាន បាននិយាយថាគ្រោះមហន្តរាយធម្មជាតិបានកាត់បន្ថយផលិតផលសរុបក្នុងស្រុករបស់វៀណាមប្រមាណ ១,៥ ភាគរយ ប្រចាំឆ្នាំឬច្រើនជាងនេះ ប្រសិនបើមិនមានវិធានការសមស្របណាមួយដើម្បីឆ្លើយតបទៅនឹងការប្រែប្រួលអាកាសធាតុ។
សីតុណ្ហភាពជាមធ្យមនៅវៀតណាមត្រូវបានគេព្យាករណ៍ថានឹងកើនឡើង ២,៣ អង្សាសេត្រឹម ២១០០ ខណៈកម្ពស់ទឹកសមុទ្រនឹងកើនឡើងពី ៧៨-១០០ សង់ទីម៉ែត្រ។ ការកើនឡើងបែបនេះ នឹងជន់លិចជាង ១០ ភាគរយនៃដែនដីសណ្តរទន្លេក្រហម និងខេត្ត Quảng Ninh នៅភាគខាងជើង និង ២,៥ ភាគរយនៃតំបន់ឆ្នេរសមុទ្រកណ្តាល។
វានឹងជះឥទ្ធិពលដោយផ្ទាល់ដល់ ៩ ភាគរយនៃចំនួនប្រជាជននៅតំបន់ដីសណ្តទន្លេក្រហមនិងខេត្ត Quảng Ninh និងជិត ៩ ភាគរយនៅតាមតំបន់ឆ្នេរសមុទ្រកណ្តាល។ ជាការកត់សម្គាល់ប្រជាជនប្រហែល ៣៥ ភាគរយនៃប្រជាជននៅតំបន់ដីសណ្តទន្លេមេគង្គនឹងរងផលប៉ះពាល់ហើយ ៤០,៥ ភាគរយនៃទិន្នផលស្រូវរបស់ខ្លួនបានបាត់បង់៕ ប្រភព៖ VNS
