ភ្នំពេញ ៖ កងប្រតិបត្តិការរុករក និងសង្គ្រោះ៧១១ កងពលតូចលេខ៧០ ដឹកនាំដោយ លោកឧត្តមសេនីយ៍ទោ សូយ ណារិទ្ធ មេបញ្ជាការរងកងពល នៅថ្ងៃទី២០ ខែវិច្ឆិកា ឆ្នាំ២០២០នេះ បានហ្វឹកហាត់អំពីគ្រឿងផ្គុំ និងឧបករណ៍ស្គែនស្វែងរកមនុស្ស(ទំនើប)។
គ្រឿងផ្គុំ និងឧបករណ៍ស្គែនស្វែងរកមនុស្ស៣ដូចជា៖
១/ Leader Hasty ឧបករណ៍ស្គែនស្វែងរកមនុស្សមានជីវិត
២/ Leader Scan ឧបករណ៍ស្គែនស្វែងរកមនុស្សមានជីវិតផ្តល់ជាសញ្ញារំញ័រ
៣/ Leader Volt ឧបករណ៍ស្វែងរកចរន្តអគ្គីសនី
សូមបញ្ជាក់ថា ការហ្វឹកហាត់ប្រើប្រាស់នូវឧបករណ៍ទាំងអស់នេះគឺ ដើម្បីបង្កើនសមត្ថភាពលើសេវាសង្គ្រោះឲ្យមានប្រសិទ្ធភាពខ្ពស់ថែមទៀតក្នុងការងារត្រៀមជួយសង្គ្រោះដល់ប្រជាពលរដ្ឋរបស់យើងនៅពេលមានគ្រោះអាសន្នដូចជាបាក់រលំអគារជាដើម។
ក្នុងឱកាសនេះផងដែរ កងប្រតិបត្តិការរុករក និងសង្គ្រោះ៧១១ សូមប្តេជ្ញាយកចិត្តទុកដាក់ ក្នុងការហ្វឹកហាត់ រៀនសូត្រ ថែទាំសម្ភារដ៏មានតម្លៃទាំងអស់នេះឲ្យបានល្អ និងបម្រើប្រជាពលរដ្ឋយើងឲ្យអស់ពីលទ្ធភាព៕ដោយ៖CEN
