ម្ទេសណាមិនហិរ ស្រីណាមិនប្រច័ណ្ឌ! មុននេះបន្តិច ផន សុផារី ដែលជាតារាកំប្លែង និងត្រូវជាកូនស្រីបង្កើតរបស់ក្រុមល្ខោនល្បីឈ្មោះប្រចាំខេត្តតាកែវ ភី សុគន្ធី បានបង្ហោះសារព្រលះនារីម្នាក់ ដែលប្រើប្រាស់គណនីហ្វេសបុកក្លែងក្លាយ ឆាតមកប្តីខ្លួនសុទ្ធតែរូបអាក្រាតដើម្បីចង់ Private ឱ្យប្រយ័ត្នអំបិលម្ទេស និងព្រមានស្វាមីកុំគិតចង់ផ្តេសផ្តាស់ ព្រោះប្រពន្ធម្នាក់នេះមិនចេះស៊ីរបស់រួមទេ។
តាមរយៈគណនីហ្វេសបុកផ្ទាល់ខ្លួនអ្នកនាង ផន សុផារី បានសរសេររៀបរាប់ដោយហួសចិត្តយ៉ាងដូច្នេះថា «សំផឹងសម័យកូវីដ!
ធ្វើជាfack acc ហើយឆាតមកឱ្យ ID line មកប្តីយើងដើម្បីចង់ private! ចឹងបានថា មនុស្សស្រីសម័យនេះមួយចំនួន អូសច្រឡំ សំផឹងមួយចំនួនសម័យកូវីដនេះគ្នាពិបាករកស៊ីណាស់ ចាំគេទៅរកដូចជាយូរពេក ចូលចិត្តណាស់អាឃើញប្រពន្ធគេពោះធំ សរសៃខ្ចី ហើយឆាតមកផ្តល់សេវ៉ាកម្មអីនិង! ហើយក៏ចង់ផ្តាំផ្ញើដល់ប្តីសម្លាញ់ អូនអត់ចាំបាច់ ហាមប្តីទេ ព្រោះអូនឱ្យតម្លៃប្តីថ្លៃណាស់សម្រាប់អូន តែបើថ្ងៃមុខបងលែងចង់ថ្លៃ សូមឱ្យដឹងថាប្រពន្ធម្នាក់នេះអត់ចេះស៊ីរបស់រួមគ្នាទេ អូនខ្ពើមណាស់ប៊េប៊ី
តែថ្ងៃនេះចង់បញ្ជាក់ប្រាប់មីអូនឯងបន្តិចថា ទៅរកណាបានទៅៗ កុំមកភ្លើជាមួយបង ស្គាល់អំបិលម្ទេសទេនាងអូន?»។
ភ្លាមៗស្វាមីអ្នកនាង ផន សុផារី ក៏បានបង្ហោះរូបជុំគ្រួសារជាការឆ្លើយតបថា «រកតែពេលនៅជិតប្រពន្ធកូនមិនបានផង មានពេលឯណាទៅឆាតជាមួយមនុស្ស សំរាមសំរាម ស្រឡាញ់ប្រពន្ធស្រឡាញ់កូន Phorn Sophary»។
យ៉ាងណាក៏ដោយ ក្រោយការបង្ហោះបង្ហាញពីល្បិចស្រី ដែលព្យាយាមទាក់ទងស្វាមីអ្នកដទៃអំឡុងភរិយាគេពពោះ ឬកូនខ្ចី ក៏មានអ្នកលេងបណ្តាញសង្គមជាច្រើន ចូលមកខមិនបញ្ចេញមតិហួសចិត្តជំនួសអ្នកនាង ផន សុផារី និងឱ្យប្រុងប្រយ័ត្ន ព្រោះមនុស្សស្រីមួយចំនួនសម័យនេះ រហ័ស ហើយមុខក្រាស់ណាស់ មានអ្នកខ្លះទាក់ទងប្តីគេទាំងមិនញញើតប្រពន្ធដើមគេ សូម្បីបន្តិចហើយថែមទាំងឌឺដងប្រពន្ធដើមទៀត តែសំណាងហើយដែលស្វាមីអ្នកនាង ផន សុផារី មិនលេងចូលជាមួយ៕ ដោយ៖ កូលាប ក្រហម