ឆ្នាំជូត
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកប្រកបការងារទាក់ទងនឹងប្រាក់កាសឬកិច្ចការអ្វីមួយពីព្រោះថាផលជាផ្លែផ្កាតែងហុចមកវិញជានិច្ច។ការប្រកបការងារវិញលោកអ្នកត្រូវរវាសរវៃញាប់ដៃញាប់ជើងហើយត្រូវតែចងចាំថាអំឡុងពេលនេះធ្វើច្រើននឹងទទួលបានផលច្រើនមកវិញជាក់ជាពុំខាន។
ជំនួញ ៖ មិនថាតាមផ្លូវគោកផ្លូវទឹកឬផ្លូវអាកាសក្តីតែងអាចរកផលកម្រៃមកវិញគ្រាន់ចិញ្ចឹមឆ្នាំងបាយអញ្ចឹងដែរ។
ស្នេហា ៖ កំលោះក្រមុំបើចង់ទំនាក់ទំនងស្នេហាដំបូងនាថ្ងៃនេះជាការប្រពៃគួរសម៕
ឆ្នាំឆ្លូវ
រាសីស្រុតចុះ។
ការងារ ៖ នៅថ្ងៃនេះបើទោះបីលោកអ្នកជួបបញ្ហាតានតឹងប៉ុន្តែបើលោកអ្នកខិតខំពុះពារតែងសម្រេចជោគជ័យជានិច្ច។ការរស់នៅទោះធ្វើអ្វីមួយលោកអ្នកគប្បីមានការប្រយ័ត្នប្រយែងពីព្រោះផលអាក្រក់នោះមានច្រើនជាងថ្ងៃល្អដែលងាយជួបបញ្ហាណាស់។
ជំនួញ ៖ មានការជឿនលឿទៅមុខតិចតួចហើយប្រាក់ចំណូលទៀតសោតរកគ្រាន់បង្គ្រប់ក្រពះក៏ សឹងថាយ៉ាប់ផង។
ស្នេហា ៖ ប្រុសស្រីបើចង់ធ្វើការជ្រើសរើសគូស្រករពុំសូវល្អប៉ុន្មានទេព្រោះច្រើនជួបគូកម្មច្រើនជាងគូព្រេង៕
ឆ្នាំខាល
រាសីខ្ពស់ត្រដែត។
ការងារ ៖ ក្នុងថ្ងៃនេះដោយសារដួងរាសីឡើងខ្ពស់ ដូចនេះបើចង់ចាត់ចែងបញ្ហាអ្វីតែងទទួលផ្លែផ្កាមកវិញដូចនេះជាទីពេញចិត្តផង។ការប្រកបការងារទោះធ្វើអ្វីក៏ដោយតែងមានក្រុមមនុស្សខ្លាចក្រែងនិងអាណិតស្រឡាញ់ច្រើនឡើងវិញ។
ជំនួញ ៖ ការជួញទីជិតឆ្ងាយមានភាពរលូនល្អទៅមុខជានិច្ចហើយបើលោកអ្នកចង់បើកមុខរបរថ្មីឬចង់ចរចាទិញអ្វីមួយជាឱកាសល្អប្រពៃ។
ស្នេហា ៖ កំលោះក្រមុំមានភាពស្រស់ស្រាយប្រៀបដូចត្រីក្នុងទឹកហើយបើចង់ផ្សះផ្សាជម្លោះជាពេលវេលាល្អព្រោះឆាប់ប្រែប្រួលពីអាក្រក់មកល្អណាស់ផង ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះដោយសារដំណើរជីវិតស្ថិតនៅលើកំណាត់ផ្លូវរដិបរដុបបន្តិចហេតុនេះការប្រកបការងារអ្វីតោងតែចេះមើលគេមើលឯងពីព្រោះថាផលអាក្រក់នោះងាយកើតឡើងដែលលោកអ្នកត្រូវរែកពន់ផងដែរ។ការប្រកបការងារបើលោកអ្នកចង់ធ្វើអ្វីមួយគប្បីគិតឱ្យបានគ្រប់ជ្រុងជ្រោយពីព្រោះថាបើធ្វើអ្វីមួយល្អហើយដល់ថ្ងៃខាងមុខនេះអ្វីៗក៏ល្អទៅជាមួយដែរ។
ជំនួញ ៖ ទោះជួញទីជិតឆ្ងាយការរកផលកម្រៃមានហូរចូលមួយៗគ្រាន់បំពេញបំពង់តែបើចង់ធ្វើជំនួញធំៗនោះឃើញថាតែងជួបផលអាក្រក់ច្រើនជាងល្អបន្តិច។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការចេះអត់ឱនឱ្យគ្នានិងប្រាស្រ័យទាក់ទងគ្នាល្អ៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកចង់ពឹងពាក់ឬខ្ចីអ្វីមួយពីអ្នកដទៃឃើញថាតែងមានការជួយសហការពីអ្នកដទៃផង។
ជំនួញ ៖ ទោះលោកអ្នកជួញទីជិតឆ្ងាយមិនថាផ្លូវគោក,ផ្លូវទឹកឬផ្លូវអាកាសក្តីតែងអាចរកផលចំណូលមានហូរចូលតក់ៗគ្រាន់បំពេញបំពង់អញ្ចឹងដែរ។
ស្នេហា ៖ ប្រុសស្រីបើលោកអ្នកមានជម្លោះវិវាទហើយធ្វើការដោះស្រាយជាឱកាសល្អប្រពៃបំផុតព្រោះមិនត្រឹមឆាប់ត្រូវរ៉ូវគ្នាទេតែថែមទាំងអាចប្រែមកផ្អែមល្ហែមយ៉ាងឆាប់រហ័សថែមទៀត៕
ឆ្នាំម្សាញ់
រាសីស្រុតចុះ។
ការងារ ៖ នៅថ្ងៃនេះលោកអ្នកមានការផ្លាស់ប្តូរអារម្មណ៍ហើយការប្រកបការងារមានការរាំងស្ទះចំពោះមុខច្រើន។
ជំនួញ ៖ មិនមានអ្វីលូតលាស់ទៅមុខទេពោលគឺផលចំណូលរកបង្គ្រប់ឆ្នាំងបាយសឹងថាមិនគ្រាន់ផង។ ការធ្វើដំណើរផ្លូវឆ្ងាយមិនសូវមានសុវត្តិភាពទេពិសេសទៅទិសបស្ចឹមឱ្យប្រយ័ត្នគ្រោះចាញ់បោកគេបន្តិច។
ស្នេហា ៖ គូគ្រងប្តីប្រពន្ធវិញ ជួបរឿងប្រឆាំងគ្នានិងមិនសូវចេះអត់ឱនឱ្យគ្នាប៉ុន្មានឡើយ៕
ឆ្នាំមមី
រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតរបស់លោកអ្នកប្រែមកប្រសើរឡើងវិញ ហើយទោះធ្វើអ្វីក៏មានការជឿនលឿនទៅមុខសន្សឹមៗជានិច្ច។
ជំនួញ ៖ មិនមានអ្វីប្រែប្រួលប្តូរផ្លាស់គួរជាទីកត់សម្គាល់ទេគឺដូចសព្វមួយដង។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីក្នុងថ្ងៃនេះដែរកុំនាំគ្នាដើរពាសវាលកាលប្រយ័ត្នឧប្បតិ្តហេតុយាយី៕
ឆ្នាំមមែ
រាសីល្អជាមធ្យម។
ការងារ ៖ ក្នុងថ្ងៃនេះលោកអ្នកគប្បីរក្សាភាពស្ងប់ស្ងាត់ហើយមិនត្រូវអួតអាងឬច្រងេងច្រងាងឡើយពីព្រោះមានតែក្រុមមនុស្សចាំវាយប្រហារដែលលោកអ្នកពិបាកទប់ទល់។បើមានបញ្ហាអ្វីកើតឡើងលោកអ្នកត្រូវរក្សាភាពនឹងធឹងហើយយកបញ្ញាជាអាវុធក្នុងការដោះស្រាយទើបអាចឆ្លងគ្រាលំបាកៗឬសត្រូវចំពោះមុខទៅរួច។
ជំនួញ ៖ លោកអ្នកជួបប្រទះនូវរឿងរ៉ាវប្រទាំងប្រទើសច្រើនហើយបើចេះធ្វើគធ្វើថ្លង់ខ្លះទើបមានភាពសុខដុមទៅរួច។
ស្នេហា ៖ កំលោះក្រមុំមានដំណើរថយក្រោយដូចនេះប្រយ័ត្នជម្លោះវិវាទឈានដល់ការបែកបាក់៕
ឆ្នាំវក
រាសីខ្ពស់ត្រដែត។
ការងារ ៖ ថ្ងៃនេះដោយសារដួងរាសីឡើងខ្ពស់ដូចនេះបើមានបញ្ហាអ្វីតែងអាចដោះស្រាយនិងតែងទទួលជោគជ័យជានិច្ច។ទោះបីយ៉ាងណានៅពេលនេះការប្រកបការងាររាជការឬក្រុមហ៊ុនឯកជនទោះលោកអ្នកធ្វើអ្វីៗគួរមានការអត់ធ្មត់និងប្រយ័ត្នប្រយែងទើបជាការប្រពៃ។
ជំនួញ ៖ ក្នុងថ្ងៃនេះមានភាពកាក់កបគួរសមហើយកំពុងមានភាពសុខដុមល្អណាស់។ការធ្វើដំណើរទីជិតឆ្ងាយជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ ប្រុសស្រីបើចង់ផ្សំផ្គុំគ្រួសារជាឱកាសល្អបំផុត៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះបើលោកអ្នកចង់ជួបចរចាឬទំនាក់ទំនងអ្វីមួយអាចសម្រុកពេញទីបានហើយពីព្រោះថាផលល្អៗតែងឆ្លើយតបមកវិញជានិច្ច។
ជំនួញ ៖ មានភាពលូតលាស់គួរសមហើយបើមានការជួញទីជិតឆ្ងាយទៀ់តសោតក៏អាចប្រមូលភោគផលចូលផ្ទះវិញយ៉ាងស្រួលចិត្តដែរ។ការធ្វើដំណើរទីជិតឆ្ងាយជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំមានការនឹករលឹកនិងប្រាស្រ័យទាក់ទងគ្នាល្អណាស់៕
ឆ្នាំច
រាសីល្អជាមធ្យម។
ការងារ ៖ នៅថ្ងៃនេះដួងរាសីរបស់លោកអ្នកមិនគាប់ប្រសើរប៉ុន្មានទេ ហើយបើមានការប្រកបការងារតែងចាញ់ប្រៀបគេផង។ក្រៅពីនេះលោកអ្នកបើទោះបីធ្វើអ្វីក៏ដោយគប្បីចាត់ចែងការងារចាស់ឱ្យរួចរាល់ហើយទើ់បប្រសើរ ពីព្រោះផលល្អតែងហុចមកវិញជានិច្ច។
ជំនួញ ៖ ទោះជួបភាពរកាំរកូសច្រើនបន្តិចក្តីតែយ៉ាងណាផលចំណូលមានហូរចូលមួយៗគ្រាន់ចិញ្ចឹមឆ្នាំងបាយអញ្ចឹងដែរ។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ប្រុសស្រីបើមានការជ្រើសរើសគូស្រករចូរចេះពិនិត្យពិច័យបន្តិចព្រោះច្រើនជួបគូកម្មច្រើនជាងគូព្រេងណាស់៕
ឆ្នាំកុរ
រាសីស្រុតចុះ។
ការងារ ៖ នៅថ្ងៃនេះដំណើរជីវិតមិនល្អប្រសើរប៉ុន្មានទេ ប៉ុន្តែការប្រកបការងារឃើញថាអាចជឿនលឿនទៅមុខផងដែរ គ្រាន់តែជួបភាពរអាក់រអួលច្រើនចំពោះមុខប៉ុណ្ណោះ។
ជំនួញ ៖ ការចេញធ្វើជំនួញមិនសូវជោគជ័យដូចបំណងប៉ុន្មានទេឬអាចនិយាយបានថាទោះជួញទីជិតឆ្ងាយផលកម្រៃច្រើនបំផុតគ្រាន់មួយទប់ទល់ចាយវាយប៉ុណ្ណោះ។ការធ្វើដំណើរចូរប្រយ័ត្នក្រុមមនុស្សនាំទុក្ខមកឱ្យដោយប្រការណាមួយ។
ស្នេហា ៖ ប្រុសស្រីជួបភាពប្រទាំងប្រទើសនិងចាប់កំហុសគ្នាមិនតិចនោះឡើយ៕