សៀមរាប ៖ មានករណីគ្រោះថ្នាក់ចរាចរណ៍នៅលើកំណាត់ផ្លូវជាតិលេខ៦មាន ចន្លោះគីឡូលេខ២៩៤ ២៩៥ ក្នុងភូមិស្វាយជ័យ ឃុំត្រពាំងធំ ស្រុកប្រាសាទបាគង ខេត្តសៀមរាប កាលពីថ្ងៃទី២០ ខែវិច្ឆិកាឆ្នាំ២០២០ វេលាម៉ោង ៨និង៣០នាទីព្រឹក។
អធិការនគរបាលស្រុកប្រាសាទបាគង បានឲ្យដឹងថា ករណីនេះបណ្តាលមកពីបើកបរក្នុងល្បឿនលឿនខ្វះការប្រុងប្រយ័ត្ន រវាងរថយន្តមួយគ្រឿងម៉ាក HYUNDAI ពណ៌ខៀវពាក់ផ្លាកលេខស្វាយរៀង3A-0958 សណ្តោងរឺម៉កពាក់ផ្លាក់លេខភ្នំពេញ 4A-3836 បើកបរដោយឈ្មោះ ម៉េង សុខឃង ភេទប្រុសអាយុ ២២ ឆ្នាំ រស់នៅភូមិព្រែកហូ ឃុំព្រែកហូ ក្រុងតាខ្មៅ ខេត្តកណ្តាល ក្នុងទិសដៅពីកើតទៅលិច បុកនឹងរថយន្តម៉ាកហ្វរធុនណឺ ពណ៌សពាក់ផ្លាកលេខ សៀមរាប 2B-4299 បើកបរដោយឈ្មោះ លុយ ស៊ីនិត ភេទប្រុស អាយុ៣៣ឆ្នាំ រស់នៅភូមិស្ពានជ្រាវ សង្កាត់សៀមរាប ក្រុង/ខេត្តសៀមរាប ។
ក្នុងហេតុការណ៍នេះ បណ្តាលឲ្យរងរបួសធ្ងន់អ្នកបើកបរម្នាក់ និងរងរបួសស្រាលអ្នករួមដំណើរចំនួន ៤នាក់ មាន៖-ទី១ មានឈ្មោះ ស៊ិន ហុកលី ភេទប្រុសអាយុ ៣៧ឆ្នាំ ភូមិខ្នារសង្កាត់ជ្រាវក្រុងសៀមរាប (របួសស្រាល) ។ -ទី២ ឈ្មោះ វី វិន ភេទស្រី អាយុ ៣២ឆ្នាំ ភូមិខ្នារសង្កាត់ជ្រាវក្រុងសៀមរាប (របួសស្រាល) ។ -ទី៣ ឈ្មោះ លី សៀវមី ភេទប្រុសអាយុ៣៧ឆ្នាំ ភូមិខ្នារ សង្កាត់ជ្រាវ ក្រុង/ខេត្តសៀមរាប (របួសស្រាល) ។ – ទី៤ ឈ្មោះ សុខ ជា ភេទប្រុសអាយុ៣៧ឆ្នាំ ភូមិស្ពានជ្រាវ សង្កាត់សៀមរាប ក្រុង/ខេត្តសៀមរាប (របួសស្រាល)។
ក្រោយពេលកើតហេតុ កម្លាំងនគរបាលផ្នែកចរាចរណ៍ នៃអធិការដ្ឋាននគរបាលស្រុកប្រាសាទបាគង បានចុះពិនិត្យវាស់វែងធ្វើកំណត់ហេតុ និងបញ្ជូនជនរងគ្រោះទៅសង្គ្រោះបន្ទាន់នៅមន្ទីរពេទ្យ ចំណែកវត្ថុតាងត្រូវបាននាំយកមករក្សាទុកនៅអធិការដ្ឋាននគរបាលស្រុកប្រាសាទបាគងដើម្បីរងចាំការដោះស្រាយពីភាគីទាំងសងខាង ៕
ដោយ៖បញ្ញាស័ក្តិ
