បន្ទាប់ពីឈ្លោះគ្នាបែកជាអូរហូរជាស្ទឹង រឿងដាក់ឈ្មោះកម្មសិទ្ធិរថយន្តឡិចស៊ីស570 ស៊េរីឆ្នាំ2021 រហូតដល់អ្នកនាង Love Riya អះអាងក្តែងៗក្នុងការឡាយថា មិនធ្លាប់ស្រឡាញ់លោក ដែន សូនី ថែមទាំងបណ្តេញលោក ដែន សូនី ចេញពីផ្ទះនោះ ស្រាប់តែថ្មីៗនេះអ្នកនាង Love Riya ចិត្តទន់នៅមិនសុខ ងង៉ក់ខឹងនឹងលោក ដែន សូនី ដែលមិនព្រមមកសុំទោសខ្លួនដើម្បីត្រូវរ៉ូវគ្នាវិញ។
តាមរយៈវីដេអូឡាយកាលពីយប់មិញ អ្នកនាង Love Riya បានឱ្យបុគ្គលិករបស់ខ្លួនតេទៅលោក ដែន សូនី សួររឿងហេតុអ្វីលោកមិនមកសុំទោសខ្លួនតាមការណាត់ លោក ដែន សូនី ក៏បានតបថា ដោយសារខ្លួនស្រវឹងជ្រុលគេងលក់មិនដឹងខ្លួន។ ខណៈនោះអ្នកនាង Love Riya ដែលកំពុងលួចស្តាប់ការសន្ទនា បានបញ្ចេញកាយវិការហាក់គ្រឺតនឹងគូរស្នេហ៍ដែលមិនយល់ចិត្ត ព្រោះមិនបានមកលួងតាមការណាត់។
យ៉ាងណាក៏ដោយ ក្រោយពី Love Riya បានបង្ហាញសញ្ញាចង់ត្រូវរ៉ូវគ្នាវិញជាមួយលោក ដែន សូនី ក៏មានហ្វេនៗនិងអ្នកលេងបណ្តាញសង្គមហ្វេសប៊ុកជាច្រើន បានចូលរួមអបអរអ្នកទាំង២។ តែក៏មានមតិមួយចំនួនលើកឡើងថា ចិត្តមនុស្សស្រីដូចជាមេមាន់អីចឹង ពេលខឹង ពេលឈ្លោះ សុទ្ធតែអះអាងថា ខ្លួនមិនស្រឡាញ់គេតាំងពីដំបូង និយាយថា គ្រាន់តែរាប់អានសម្តែងលេងសើចជាមួយគ្នាប៉ុណ្ណោះ។ ស្រាប់តែចុងក្រោយគេលែងរវល់មែនក៏តាំងនៅមិនសុខ ដេកមិនលក់បក់មិនល្ហើយចង់ឱ្យគេមកលួង ដល់តែគេមកលួងមិនទាន់ក៏ខឹងមួយតង់ទៀត៕ ដោយ៖ កូលាប ក្រហម