ព្រះ វិហារ ៖ ផ្តើមចេញពីទំនាស់ពាក្យសម្តីក្នុងវង់ផឹកស៊ី បុរសម្នាក់ យកកាំបិត ផ្គាក់កាប់ប្រហារ បុរសម្នាក់បណ្តាលឲ្យស្លាប់នៅនឹងកន្លែ នៅវេលាម៉ោងប្រមាណ ១០ និង៣០នាទីព្រឹក ថ្ងៃទី២៣ ខែវិច្ឆិកា ឆ្នាំ២០២០ នៅត្រង់ចំណុច វាលលោមនាង ស្ថិតក្នុងភូមិសែនរុងរឿង ៤ ឃុំមរកត ស្រុកជាំក្សាន្ត ខេត្តព្រះវិហារ ។
ជនដៃដល់ឈ្មោះ សារ៉ាត់ សារិត ភេទប្រុស អាយុ២៧ ឆ្នាំ មុខរបរមិនពិតប្រាកដ មានស្រុកកំណើតភូមិពយតាសេក ឃុំបឹងព្រីង ស្រុកថ្មគោល ខេត្តបាត់ដំបង ។ ជនរងគ្រោះឈ្មោះ រ៉ា បឹប ភេទប្រុស អាយុ ២៤ ឆ្នាំ មុខរបរមិនពិតប្រាកដ មានស្រុកកំណើតភូមិ ត្រពាំងក្រសាំង ឃុំស្រែណូយ ស្រុកវ៉ារិន ខេត្តសៀមរាប ។ អ្នកទាំងពីរជាប្រជាពលរដ្ឋស្នាក់នៅបណ្តោះអាសន្ន នៅភូមិសែនរុងរឿង ៤ ឃុំមរកត ស្រុកជាំក្សាន្ត ខេត្តព្រះវិហារ ។
សមត្ថកិច្ចនគរបាលមូលដ្ឋាន បានបញ្ជាក់ពីមូលហេតុ នៃអំពើឃាតកម្មនេះ បណ្តាលមកពីស្រវឹងស្រាមានទំនាស់ពាក្យសំដីនឹងគ្នា ។ ជនសង្ស័យត្រូវបានកម្លាំងជំនាញអធិការដ្ឋាននគរបាលស្រុកជាំក្សាន្ត ធ្វើការឃាត់ខ្លួន និងអនុវត្តតាមនីតិវិធី ដើម្បីបញ្ជូនទៅសាលាដំបូងខេត្តព្រះវិហារ ៕ ដោយ៖បញ្ញាស័ក្តិ
