ជឿជាក់ថា មនុស្សមួយចំនួនធំ នៅពុំទាន់បានដឹងច្បាស់ ឬ អាចនិយាយបានពុំសូវជាចាប់អារម្មណ៍ថា តើខែខ្មែរទាំង១២ ត្រូវគ្នានឹងខែបារាំង ឬ ខែកសល ទៅតាមលេខរៀងនីមួយៗអ្វីខ្លះ?។
ថ្ងៃនេះ សូមបង្ហាញប្រិយមិត្តបានទទួលជ្រាបពីការធៀបខែខាងចន្ទគតិ និងខែខាងសុរិយគតិ គឺ៖
១- មាគសិរ = ធ្នូ គឺជាខែដែលប្រជាពលរដ្ឋក្មេងចាស់ធ្វើពិធីបង្ហោះខ្លែង
២- បុស្ស = មករា គឺខែប្រជាពលរដ្ឋពិធីលេងកូនគោល បញ្ចុះសីមា [[ពិធីប្លុងក្រឡាន]]
៣- មាឃ = កុម្ភៈ គឺជាខែសម្រាប់ពិធីបុណ្យមាឃបូជា
៤- ផល្គុន = មីនា គឺជាខែសម្រាប់ពិធីបញ្ជាន់ត្រុដិ
៥- ចេត្រ = មេសា គឺជាខែសម្រាប់ពិធីបុណ្យចូលឆ្នាំខែ្មរ
៦- ពិសាខ = ឧសភា គឺជាខែសម្រាប់ពិធីបុណ្យឡើងអ្នកតា ពិសាខបូជា និងច្រត់ព្រះនង្គ័ល
៧- ជេស្ឋ = មិថុនា (គ្មាន)
៨- អាសាឍ = កក្កដា គឺជាខែចូលព្រះវស្សា
៩- ស្រាពណ៍=សីហា (គ្មាន)
១០- ភទ្របទ=កញ្ញា គឺខែចូលរដូវកាន់បិណ្ឌ និងភ្ជុំបិណ្ឌ
១១- អស្សុជ = តុលា គឺជាខែចេញវស្សា និងកឋិនទាន
និងទី១២- កត្តិក = វិច្ឆិកា គឺជាខែអកអំបុក សំពះព្រះខែ និងលយប្រទីប។
ខាងក្រោមនេះ គឺជាវីដេអូរបស់លោកគ្រូបឋមម្នាក់ ខណៈគាត់កំពុងបង្រៀន និងក៏ដូចបង្ហាញឲ្យកូនៗសិស្សបានដឹងថាតើខែខ្មែរទាំង១២មានអ្វីខ្លះ?៕ ដោយ៖ លឹម ហុង
