នាយករដ្ឋមន្ត្រី ង្វៀន សឺន ហ្វុក( Nguyễn Xuân Phúc) បានស្នើឱ្យវិស័យវាយនភណ្ឌកាត់ដេរនិងស្បែកជើង លើកកម្ពស់ការកសាងម៉ាកយីហោរបស់វៀតណាមនិងការតភ្ជាប់ខ្សែសង្វាក់ផ្គត់ផ្គង់ក្នុងកំឡុងពេលប្រជុំជាមួយតំណាងវិស័យទាំងពីរនេះនៅទីក្រុងហាណូយកាលពីថ្ងៃចន្ទ។
លោកបានជំរុញឱ្យវិស័យនេះអភិវឌ្ឍឧស្សាហកម្មគាំទ្រនិងធ្វើកំណែទម្រង់ដើម្បីកែលម្អអភិបាលកិច្ចសាជីវកម្ម។ ពួកគេត្រូវការជំរុញការផ្លាស់ប្តូរឌីជីថលក្នុងការគ្រប់គ្រងនិងប្រតិបត្តិការសហគ្រាសវាយនភ័ណ្ឌដោយជួយពួកគេឱ្យប្រើប្រាស់កិច្ចព្រមព្រៀងពាណិជ្ជកម្មសេរីប្រកបដោយប្រសិទ្ធភាពរួមទាំងកិច្ចព្រមព្រៀងភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) ដែលបានចុះហត្ថលេខាថ្មីៗនេះ។
លោកនាយករដ្ឋមន្ត្រីក៏បានកត់សម្គាល់ពីតម្រូវការសម្រាប់កំណើនបៃតងក្នុងការអភិវឌ្ឍឧស្សាហកម្មវាយនភណ្ឌកាត់ដេរផងដែរ ការអនុវត្តសេដ្ឋកិច្ចវិលជុំនិងបន្តធ្វើស្វ័យប្រវត្តិកម្មដើម្បីបង្កើនតម្លៃពលកម្ម។ លោកបានមានប្រសាសន៍ថា សហគ្រាសក៏ត្រូវយកចិត្តទុកដាក់បន្ថែមទៀតចំពោះទីផ្សារក្នុងស្រុកជាពិសេសឯកសណ្ឋានសម្រាប់កម្មករ។
នៅក្នុងសិក្ខាសាលានេះ លោក ហ្វុកបាននិយាយថាឧស្សាហកម្មកាត់ដេរសម្លៀកបំពាក់និងស្បែកជើងបានផ្តល់ការងារដល់កម្មករយ៉ាងច្រើនរហូតដល់ទៅ ៤,៣ លាននាក់។ ការនាំចេញរបស់ពួកគេមានចំនួនដ៏ច្រើននៃចំណូលនាំចេញជាតិសរុប។ នៅឆ្នាំ ២០១៩ ឧស្សាហកម្មទាំងពីរនេះបាននាំចេញផលិតផលមានតម្លៃ ៦២ ពាន់លានដុល្លារស្មើនឹង ២៤ ភាគរយនៃផលិតផលសរុបរបស់ប្រទេស។
យោងតាមសមាគមនិងអាជីវកម្មបានឱ្យដឹងថា នៅឆ្នាំនេះតម្លៃនៃការនាំចេញរបស់វិស័យត្រូវបានប៉ាន់ប្រមាណថានឹងថយចុះ ប៉ុន្តែការកាត់បន្ថយគឺមិនខ្ពស់ទេពីព្រោះវៀតណាមមានការគ្រប់គ្រងលើកូវីដ១៩ ដើម្បី បង្កើតទំនុកចិត្តសម្រាប់អ្នកនាំចូលឱ្យមានការបញ្ជាទិញកាន់តែច្រើនសម្រាប់សហគ្រាសនៅវៀតណាម។ លើសពីនេះទៀតកិច្ចព្រមព្រៀងពាណិជ្ជកម្មសេរីរវាងវៀតណាមនិងដៃគូបរទេសនាំមកនូវគុណប្រយោជន៍នៃការកាត់បន្ថយពន្ធដល់សូន្យសម្រាប់វិស័យនានាដើម្បីជំរុញការអភិវឌ្ឍរបស់ពួកគេ។
យោងតាមក្រុមត្បាញនិងវាយនភណ្ឌជាតិវៀតណាមឧស្សាហកម្មវាយនភណ្ឌនិងកាត់ដេរសំលៀកបំពាក់របស់វៀតណាមត្រូវបានគេព្យាករណ៍ថានឹងរកចំណូលបានប្រហែល ៣៣,៥-៣៤ ពាន់លានដុល្លារពីការនាំចេញនៅឆ្នាំនេះ។ ក្នុងរយៈពេល ៩ ខែដើមឆ្នាំនេះការនាំចេញវាយនភ័ណ្ឌនិងសម្លៀកបំពាក់ជាតិឈានដល់ ២៥,៦ ពាន់លានដុល្លារពោលគឺធ្លាក់ចុះ ១២ ភាគរយបើធៀបនឹងឆ្នាំមុន៕ – VNS
