ព្រះសីហនុ៖កម្លាំងនគរបាលបានឃាត់ខ្លួនជនសង្ស័យ ០១នាក់ ជាជនជាតិចិន ពាក់ព័ន្ធនិងករណី កាន់កាប់រក្សាទុក និងប្រើប្រាស់អាវុធខុសច្បាប់ នៅថ្ងៃទី ២៧ ខែវិច្ឆិកា ឆ្នាំ២០២០ វេលាម៉ោង ០៣ និង ០០ នាទី ទៀបភ្លឺ ដោយមានប្រជាពលរដ្ឋទូរស័ព្ទរាយការណ៍មកថា មានជនជាតិចិន១ នាក់ ពាក់អាវយឺត ពណ៌ក្រហម ឈរនៅកន្លែងស្ងាត់ នៅចំណុចអូរត្រេះ ស្ថិតនៅភូមិ៦ សង្កាត់៤ ក្រុង-ខេត្តព្រះសីហនុ មានការសង្ស័យ។
លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ បានឲ្យដឹងថា បន្ទាប់ពីទទួលដំណឹងភ្លាម កម្លាំងជំនាញផែនការងារនគរបាលព្រហ្មទណ្ឌ បានចុះទៅដល់ទីតាំងនោះ ក៏ប្រទះឃើញមានជនសង្ស័យ ១ នាក់ ជាជនជាតិចិន ដូចដែលប្រជាពលរដ្ឋរាយការណ៍មក សមត្ថកិច្ចយើងក៏ឃាត់ខ្លួនជនសង្ស័យនោះ និងបានធ្វើការត្រួតពិនិត្យក្នុងខ្លួន រកឃើញអាវុធខ្លី ០១ ដើម ម៉ាក K59 ,បង់កាំភ្លើង ០១ មានគ្រាប់ចំនួន ០៤ គ្រាប់ , កាតបន្ទប់ ០១ និងទូរស័ព្ទ ០១ គ្រឿង ហើយសមត្ថកិច្ច ក៏បាននាំខ្លួនជនសង្ស័យ០១នាក់នោះមកកាន់ស្នងការដ្ឋាននគរបាលខេត្តព្រះសីហនុ ដើម្បីធ្វើការស្រាវជ្រាវ សួរនាំបន្ត៕ដោយ : បញ្ញាស័ក្តិ
