ភ្នំពេញ៖ នៅលើបណ្តាញសង្គម ពិតជាក្តៅគគុកតែម្តង ក្រោយករណីកម្លាំងអាជ្ញាធរ និងសមត្ថកិច្ច បានចុះបង្ក្រាប និងបិទអាជីវកម្មទីតាំងម៉ាស្សាយីហោ “Diamond Massage” នៅខណ្ឌដូចពេញ កាលពីរសៀលថ្ងៃទី២៦ ខែវិច្ឆិកា ឆ្នាំ២០២០ ក្រោយពីបានបង្ហោះសារចែកចាយវីដេអូ តាមបណ្តាញសង្គមហ្វេសប៊ុក សង្ស័យថាមានបង្កប់សេវាកម្មបម្រើផ្លូវភេទ។
សូមបញ្ជាក់ថា ប្រតិបត្តិការសមត្ថកិច្ចចុះបង្ក្រាបដ៏កក្រើកនេះផងដែរ គឺត្រូវបានធ្វើឡើងបន្ទាប់ពីទីតាំងម៉ាស្សាខាងលើ បានធ្វើការ Promotion ដ៏ស៊ីអារម្មណ៍ជាមួយនារីម៉ាស្សាស្ថិតក្នុងសម្លៀកបំពាក់សិចស៊ីដូចស្រីជប៉ុន និងជាពិសេសគឹកម្មវិធីម៉ាស្សាបន្ទូរអារម្មណ៍ ដោយប្រើដៃ និងមាត់ បញ្ចុះតម្លៃ ៧០% គួរឲ្យចាប់អារម្មណ៍បំផុត។
យ៉ាងណាមិញ អ្វីដែលគួរឲ្យអស់សំណើចខ្លាំងនោះ គឺក្រោយហាងម៉ាស្សា «Diamon Message» ត្រូវបានបិទក្តៅៗបែបនេះ អ្នកប្រើប្រាស់បណ្តាញសង្គមជាច្រើន ក៏បានសម្តែងការសោកស្តាយ ក្នុងន័យបញ្ចើចបញ្ចើយ៉ាងឈឺៗថា៖ «មិនទាន់ផុតប្រម៉ូតសិនផង ឥឡូវបិទបាត់, ស្តាយទាំង៣កញ្ចប់ មិនគួរទេ, មិនទាន់បានប្រើសេវ៉ាកម្មទីបីផងបិទបាត់ មកពីអាទី៣ហ្នឹង Discount ច្រើនពេក, តែប៉ុណ្ណេះ ក្រុមអ្នកម្តាយឆ្លាតវៃ លែងបារម្ភរឿងបាត់ប្តីហើយ»។
តែយ៉ាងណា ទន្ទឹមនឹងការបិទហាម៉ាស្សាក្តៅសាច់នេះផងដែរ មហាជនមួយចំនួនក៏បានលើកឡើងថា មិនមានតែកន្លែង Diamon មួយនេះទេ គឺនៅមានច្រើនកន្លែងទៀត រីកដូចផ្សិតដំបូកដុះតាមព្រៃបុស្ស ហេតុនេះ សូមសមត្ថកិច្ចចុះបង្ក្រាបឲ្យបានស្មើរភាពផង៕ ដោយ៖ លឹម ហុង