Playboy ជនជាតិនីហ្សេរីយ៉ាម្នាក់ ដែលហៅខ្លួនឯងថា ប្រុសស្អាត Mike ថ្មីៗនេះ បានធ្វើឲ្យមហាជនមានការភ្ញាក់ផ្អើលជាខ្លាំង ខណៈបានចូលរួមក្នុងពីមង្គលការមួយ ជាមួយស្ត្រីមានផ្ទៃពោះ ៦ នាក់ ដែលគាត់បានអះអាងថា ស្ត្រីទាំងនោះគឺសុទ្ធតែមានកូនជាមួយគាត់។
តាមរយៈរូបភាពបង្ហោះឡើង Instagram បានបង្ហាញ Mike ស្ថិតក្នុងឈុតពណ៌ផ្លាឈូកយ៉ាងស្រស់ឆើត ឈរថតអមជាមួយស្ត្រីជាម្តាយ៦នាក់ ដែលម្នាក់ៗក៏ស្ថិតក្នុងសម្លៀកបំពាក់រ៉ូប និងខោជើង អាវអៀមសាច់ក្រណាត់យឺតពណ៌ដូចៗគ្នាដ៏លេចធ្លោ ចូលរួមក្នុងពិធីមង្គលការរបស់តារាសម្តែង Williams Uchemba នៅឯ Lagos កាលពីថ្ងៃសៅរ៍ ទី២១ ខែវិច្ឆិកា ឆ្នាំ២០២០។
ប្រុសស្អាត Mike បានសរសេរនៅចំណងជើងផុសនៅលើបណ្តាញសង្គម Instagram ថា៖ «មិនមែនជាការសម្តែង ហើយក៏មិនជាការលេងសើចនោះដែរ តែនេះគឺយើងកំពុងរស់នៅក្នុងជីវិតដ៏ល្អបំផុតរបស់យើង»។
យ៉ាងណាមិញ តាមរយៈវីដេអូឃ្លីបនៅក្នុងផុសនោះ គេក៏បានឃើញ Mike បង្ហាញក្តីស្រឡាញ់ដ៏ធំធេងចំពោះស្ត្រីមានផ្ទៃពោះទាំង៦នាក់ ដោយគាត់បានយកដៃស្ទាបអង្អែលពោះម្នាក់ម្តងៗ រួចថើបផ្តល់ភាពកក់ក្តៅទៅកាន់គភ៌ក្នុងផ្ទៃរបស់ពួកនាង ដែលឃើញហើយពិតជាគួរឲ្យកោតសរសើរជាខ្លាំង។
ដោយឡែក សម្រាប់វីដេអូទី២ ឃើញថាប្រុសស្អាត Mike បានបង្ហាញនូវទឹកមុខញញឹមយ៉ាងរីករាយ នៅលើគ្រែជាមួយស្ត្រី៤នាក់ កំពុងដេកឱបសងខាង និងបន្ទាប់មក ក៏ត្រូវបានស្ត្រីទាំង៤ងូតទឹកឲ្យទៀតផង៕ ដោយ៖ លឹម ហុង
View this post on Instagram