តាម AFP កាសែតជាភាសាចិនរបស់ក្រសួងពាណិជ្ជកម្មប្រទេសនេះ បានប្រើប្រាស់រូបភាពរបស់មាន់គកមួយក្បាលកំពុងបញ្ចេញសំឡេង “វ៉ាង វ៉ាង” អមជាមួយសារជូនពរ “ឆ្នាំថ្មីរុងរឿង”។ ក្នុងភាសាចិនពាក្យ “វ៉ាង” ជានិមិត្តសញ្ញានៃសំឡេងឆ្កែ “ព្រុស”។
រូបភាពមាន់ “ព្រុស” សំឡេងឆ្កែ បង្កជម្លោះ
រូបភាពមាន់គក “ព្រុស” សំឡេងឆ្កែនេះ បានរងការជេរប្រទេចពីសំណាក់ពលរដ្ឋម៉ាឡេស៊ី។ មនុស្សជាច្រើនបានចាត់ទុករូបភាពដែលកាសែតរដ្ឋាភិបាលប្រើប្រាស់គឺជាការគួបផ្សំយ៉ាង “ឆ្គាំឆ្គង” រវាងមាន់និងឆ្កែ។ អ្នកខ្លះទៀតបានចោទប្រកាន់ស្ថាប័នកាសែតនេះ បានចេតនាប្រើប្រាស់រូបភាពឆ្កែ បើតាមសាសនាអ៊ីស្លាមដែលជនជាតិម៉ាឡេស៊ីភាគច្រើនគោរពបូជា ចាត់ទុកថា វាមិនស្អាតស្អំ។
ម្ចាស់ស្ថាប័នកាសែតសរសេរក្នុង Facebook ថា ពុំមានអ្វីខុសឆ្គងចំពោះការប្រើប្រាស់រូបភាពឆ្កែទាំងអស់ ព្រោះជាសត្វមួយក្នុងចំណោមសត្វទាំង១២នៃវប្បធម៌អាស៊ីបូព៌ា។
ទោះយ៉ាងណាក្រសួងពាណិជ្ជកម្មក្នុងស្រុកដែលជាម្ចាស់គ្រប់គ្រងស្ថាប័នកាសែតនេះ បានចេញសេចក្តីប្រកាសសុំទោស ហើយចាត់ទុកថា រឿងរ៉ាវនេះជាកំហុសបច្ចេកទេស។
នៅម៉ាឡេស៊ីជនជាតិចិន គឺជាផ្នែកសំខាន់មួយមានអត្រាដល់ទៅជាង ៣០% ក្នុងចំណោមពលរដ្ឋប្រទេសនេះ៕ សូយន
