នារីរងគ្រោះដែលបានចាញ់បោកមេខ្យល់ទៅកាន់ប្រទេសចិននោះមានឈ្មោះ ធួក សុភី អាយុ២០ឆ្នាំ មានស្រុកកំណើតនៅ ភូមិឃ្សឹក្រៅ ឃុំឃ្សឹក្រៅ ស្រុកស្នួលខេត្តក្រចេះ បច្ចុប្បន្នជាប់នៅប្រទេសចិន។
នាងបានប្រើប្រាស់គណនីហ្វេសប៊ុកមួយដែលមានឈ្មោះថា (វាសនា កូនស្រី ទីបួន) ដោយបានបង្ហោះកាលពីថ្ងៃទី២៩-៣០ វិច្ឆិកា ឆ្នាំ២០២០ ម្សិលមិញរៀបរាប់ថា ខ្លួនត្រូវបានចាញ់បោកមេខ្យល់ទៅកាន់ប្រទេសចិន ហើយម៉ែឪប្ដីចិនបានឃុំនាងមិនឱ្យចេញក្រៅមានសេរីភាពជួបគ្រួសានៅខ្មែរទេ។ អ្វីដែលឈឺចាប់ទៀតនោះ ស្បូនរបស់នាងបានរងការឈឺចាប់យ៉ាងខ្លាំងដោយកាបង្ខំរួមភេទ ដោយនាងគ្មានលទ្ធភាពតតាំងវិញឡើយ សូម្បីតែទូរស័ព្ទដែលកំពុងប្រើប្រាស់នេះ ក៏មិនដឹងថាគេដកយកវិញពេលណាទេ។
នាងបានបញ្ជាក់ទៀតថា នាងបានចាញ់បោកមេខ្យល់ ហើយត្រូវគេបង្ខំឱ្យយកប្ដីនៅទីនោះ បើមិនយកទេគេនឹងយកនាងទៅលក់ក្នុងហាងស្រីខូច។ ហើយទូរស័ព្ទគ្មានស៊ីម និងត្រូវគេផ្តាច់ខ្សែសំឡេងទៀត និយាយអត់កើត បានតែសរសេរ ហើយបច្ចុប្បន្ននាងកំពុងជាប់នៅខេត្តនៅខេត្តហឺនណាន។
ជាចុងក្រោយនាងបានអំពាវនាវយ៉ាងទទូចថា «សូមពុកម៉ែបងប្អូនជួយស៊ែរបន្ដឱ្យបានដល់សម្ដេច ហ៊ុន សែន និងបងៗខាងសិទ្ធិមនុស្សបានឃើញនិងជួយយកខ្ញុំចេញពីប្រទេសចិនឆាប់ៗផងខ្ញុំមិនចង់នៅទេ ខ្ញុំចង់មានសេរីភាព ចង់ជួបគ្រួសាខ្ញុំវិញ ពេលនេះខ្ញុំសម្ពាធខ្លាំងណាស់ត្រូវគេបិតសេរីភាព ហើយគេបង្ខំឱ្យមានកូនឆាប់ៗទៀត ខាងក្រោមនេះជាឈ្មោះប្ដីចិននិងអាសយដ្ឋាន៕ ដោយ៖ កូលាប ក្រហម