ទិវានៃក្តីស្រឡាញ់ទើបតែបានកន្លងផុតទៅ ហើយមនុស្សជាច្រើនបានចែករំលែករូបថតស្នេហារបស់ពួកគេតាមរយៈប្រព័ន្ធផ្សព្វផ្សាយសង្គម ។ ទោះជាយ៉ាងណា គូស្នេហ៍មួយគូនេះបានបង្ហោះវីដេអូដ៏ផ្អែមល្ហែមមួយ ដែលអាចធ្វើឲ្យមិត្តប្រុស ឬ ស្វាមី ជាច្រើន សុំចុះចាញ់ នៅពេលបានឃើញទិដ្ឋភាពកាដូរសង្សារដ៏គួរឲ្យច្រណែនមួយនេះ ។
Jeff និង Inthira គឺជាគូស្នេហ៍ជនជាតិម៉ាឡេស៊ីដ៏ល្បីឈ្មោះ១គូ នៅលើឆាណែល Youtube របស់ពួកគេ ។ ប៉ុន្តែ សម្រាប់ពេលនេះ ក្នុងថ្ងៃ Valentine’s Day, Jeff បានសម្រេចចិត្តផ្តល់ភាពភ្ញាក់ផ្អើលដ៏ធំធេងមួយដល់ Inthira ។
មុនថ្ងៃបុណ្យ Valentine’s Day ពីរបីថ្ងៃ Jeff បានខិតខំយ៉ាងខ្លាំងជាមួយគ្រោងការដ៏ធំរបស់គាត់ ដោយបានបើករថយន្តទៅកាន់កន្លែងលក់ផ្កា១កន្លែង និងស្នើឲ្យអ្នកលក់ជួយរៀបចំផ្កា ដើម្បីបង្កើត «សួនច្បារ» ដ៏ស្រស់ស្អាតមួយ ដាក់នៅផ្នែកខាងក្រោយរថយន្ត ដែលមានតម្លៃ RM 1,280 (ស្មើនឹង ៣២៨ ដុល្លារ) ។
ដើម្បីបង្ហាញភាពស្មោះស្ម័គ្ររបស់ខ្លួន ចំពោះនារីជាទីស្រលាញ់ Jeff មិនអនុញ្ញាតឲ្យអ្នកលក់ធ្វើការ «រចនា» សួនផ្កានោះសម្រាប់គាត់ទេ គឺត្រូវរៀបចំដោយខ្លួនឯង រហូតចេញរូបរាងសួនយ៉ាងស្រស់ស្អាតតែម្តង ។
មិត្តស្រីរបស់គាត់ Inthira ពិតជារំភើបចិត្តជាខ្លាំង ខណៈមកដល់កន្លែងទទួលកាដូពុំនឹកស្មានពី Jeff ។ នៅពេលគូទរថយន្ត ត្រូវបានបើកចំហរ នាងសឹងតែញញឹមបិទមាត់ពុំជិតទេ ខណៈឃើញផ្កាទាំងអស់ដែលត្រូវបានរៀបចំសម្រាប់នាង សុទ្ធតែស្រស់ៗស្អាតយ៉ាងនេះ ។ នាងស្រលាញ់ផ្កាទាំងនោះខ្លាំងណាស់ ដែលនាងសូម្បីនិយាយថា នាងចង់គេងនៅក្នុងគូទរថយន្តជាមួយផ្កាផងដែរ! ។
ទោះយ៉ាងណា នៅពុំទាន់ចប់ Surpise ទេ Jeff បន្ទាប់មក បានទៅបើកទ្វាក្រោយរថយន្ត ដើម្បីបង្ហាញ Inthira នូវកាដូរដ៏មានតម្លៃមួយទៀតផងដែរ ។ ក្នុងចំណោមនោះមានដូចជា៖ ខ្សែកមាស Tsum Tsum, ទឹកអប់សំលៀកបំពាក់ម៉ាក Victoria’s Secret, កាបូបម៉ាក Louis Vuitton និង MacBook Pro ១គ្រឿង ។
Inthira ពិតជារំភើបនឹងកាដូទាំងអស់នោះ និងអរគុណយ៉ាងខ្លាំង សម្រាប់ការស៊ើប្រាយដ៏អស្ចារ្យរបស់ Jeff ។ ជាចុងក្រោយ ពួកគេក៏បានផ្តល់ក្តីស្រលាញ់ឲ្យគ្នាទៅវិញមក តាមរយៈការឱបថើបគួរឲ្យច្រណែន ៕ ចន្ទី
