ពាក្យថា «ឱសថ» នោះអ្នកណាៗក៏ប្រាកដជាបានស្គាល់ច្បាស់ដែរ ហើយសូម្បីមនុស្សនៅទូទាំងពិភពលោកយើងនេះ ក៏បានទទួលស្គាល់ពីគុណតម្លៃនៃ «ឱសថ» នេះផងដែរ។ ប៉ុន្តែ ប្រហែលជាមានមនុស្សមួយចំនួនតូច គឺនៅមិនទាន់ដឹងពីគុណវិបត្តិរបស់វានៅឡើយ ព្រោះថាឱសថ គឺជាអាវុធមុខពីរ ដែលក៏អាចជាថ្នាំទិពព្យាបាលជំងឺមនុស្ស សត្វ ឲ្យជាសះស្បើយ និងក៏អាចជាអ្នកសម្លាប់មនុស្សបានផងដែរ។
ពិតមែនហើយ មនុស្សភាគច្រើន គឺតែងតែផ្តល់តម្លៃដល់ថ្នាំសង្កូវ (ឱសថ) ខ្លាំងណាស់ ព្រោះថាវាគឺជាវត្ថុម្យ៉ាងដែលអាចជួយសង្គ្រោះជីវិតមនុស្សបាន និងជួយសម្រាលជំងឺរបស់លោកអ្នកបានមួយកម្រិតថែមទៀតផងដែរ ក្នុងនោះមិនថាមនុស្សចាស់ ឬ កុមារ។ ប៉ុន្តែ ទន្ទឹមនឹងគុណសម្បត្តិដ៏ធំធេងនេះផងដែរ ឱសថក៏ជាអាចបង្កគ្រោះថ្នាក់ដល់អាយុជីវិតមនុស្សបានផងដែរ។ ហេតុនេះ ដើម្បីប្រើប្រាស់ «ឱសថ» ឲ្យបានត្រឹមត្រូវ ដែលជៀសវាងនាំទុក្ខដល់ខ្លួន មនុស្សម្នាក់ៗត្រូវដឹងពីតួនាទីរបស់វាឲ្យបានច្បាស់លាស់ជាមុនសិន មុននឹងសម្រេចចិត្តប្រើប្រាស់ ដើម្បីជួយបំពេញតម្រូវការនៅពេលយើងឈឺស្កាត់ម្តងម្កាល។
ទាក់ទងនឹងការលើកឡើងខាងលើនេះផងដែរ ថ្មីៗនេះ លោកគ្រូពេទ្យម្នាក់ដែលមានគណនីហ្វេសប៊ុកឈ្មោះ Kimsan Sam បានណែនាំបងប្អូននៅក្នុងបណ្តាញសង្គមឲ្យបានដឹងពីគុណវិបត្តិរបស់ផលិតផលអាហារបំប៉នសុខភាពឃូស៊ី (COOSEA) ដែលពុំអាចយកមកប្រើប្រាស់សម្រាប់ព្យាបាលជំងឺទឹកនោមផ្អែមបាននោះទេ។ ក្នុងនោះ លោកគ្រូខាងលើបានលើកឡើងថា៖ «មានអ្នកជំងឺទឹកនោមផ្អែមជាច្រើននាក់ដែលគាត់យល់ច្រឡំថាថ្នាំនេះព្យាបាលជំងឺទឹកនោមផ្អែម និងការពារជំងឺជាច្រើនទៀត ហើយបែជាបោះបង់ថ្នាំពេទ្យចោលងាកមកប្រើវីតាមីននេះវិញ ជាហេតុស្ករក្នុងឈាមកើនឡើងខ្ពស់ នាំអោយជំងឺគាត់កាន់តែធ្ងន់ធ្ងរនិងខូចសរីរាង្គផ្សេងៗទៀត សូមអ្នកដែលលក់ថ្នាំប្រភេទនេះកុំព្រោះតែលុយ សូមកុំណែនាំអ្នកជំងឺលើសពីការពិត ប្រយ័ត្តបាប។»។
តែយ៉ាងណា គេក៏ស្រាប់តែបានឃើញមហាជនជាច្រើន ហាក់ប្រតិកម្មខ្លាំងៗទៅនឹងការលើកឡើងរបស់លោកគ្រូពេទ្យរូបនេះ ដោយពួកគេបានធ្វើការឆ្លើយតប និងពន្យល់ទៅវិញថា៖ «ខ្ញុំចង់សួរបងអ្នកផុសនិង គាត់មានបានសួរអ្នកលក់ច្បាស់ហើយ រឺនៅថាពេលប្រើឃូសុីហើយ អោយផ្ដាច់ថ្នាំពេទ្យ រឺក៏បងចេះតែស្មានដោយខ្លួនឯងទេ បើមិនពិតបងកុំចេះតែបង្ខូចផលិតផលគេចឹងបង, ប៉ាខ្ញុំក៏មានជម្ងឺទឹកនោមផ្អែមដែរ ខ្ញុំក៏បានទិញឃូសុីអោយគាត់ញុំដែរ អ្នកលក់ក៏បានណែនាំអោយបន្តប្រើជាមួយថ្នាំពេទ្យដែរ ពួកគាត់មិនបានអោយចោលថ្នាំពេទ្យទេ គឺគ្រាន់តែទុកចន្លោះពេលវេលាក្នុងការញុំពី មួយម៉ាង ទៅពីរម៉ាងប៉ាខ្ញុំញុំឃូសុី គាត់ធូរស្រាលច្រើនណាស់ ហើយសុខភាពគាត់ក៏រឹងមាំជាងមុនណាស់ដែរ, ចាសបង ឃូសុីជាអាហារបំប៉ន មិនមែនជាថ្នាំទេ អ្នកលក់ក៏គេបានបញ្ជាក់ច្បាស់លាស់ណាស់ មុននឹងលក់អោយអ្នកទិញទៅ, បងនិយាយត្រូវ ខ្ញុំប្រេីក៍អ្នកលក់ណែនាំប្រាប់ចឹងដែរ, ចាអូនអ្នកលក់មុននឹងលក់អោយអតិថិជនគេត្រូវសួរពីបញ្ហាអ្នកជំងឺដែរអត់មែនចេះតែលក់អោយគាត់ទេហើយក៍បានប្រាប់ពីរបៀបញាំហើយអោយគាត់តមនេះតមនោះហើយបើគាត់មានជំងឺទឹកនោមផ្អែម លើសឈាម បេះដូង ខាងក្រុមហ៊ុនរឺតំណាងមិនបានអោយគាត់ផ្តាច់ថ្នាំពេទ្យទេហើយអោយញាំចន្លោះពីគ្នាពីម៉ោងម្តង»៕ ដោយ៖ លឹម ហុង