ភ្នំពេញ ៖ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ទ្រង់បានចេញព្រះរាជសារក្នុងឱកាសទិវាជនមានពិការភាពកម្ពុជាលើកទី២២ និងអន្តរជាតិលើកទី៣៨ ថ្ងៃទី៣ ខែធ្នូ ឆ្នាំ២០២០។
ព្រះមហាក្សត្រ បានផ្តាំផ្ញើការសាកសួរសុខទុក្ខប្រកបដោយនឹក រលឹក ស្រឡាញ់ជាទីបំផុត អំពីសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល និងក្នុងព្រះបរមនាមផ្ទាល់របស់ព្រះអង្គ សូមជូនចំពោះបងប្អូន ក្មួយៗមានពិការភាពគ្រប់រូបនិងគ្រប់ក្រុមគ្រួសារ សូមមាន សុខភាពល្អ សុភមង្គល ជៀសផុតីពីការរាតត្បាតនៃជំងឺកូវីដ១៩ ។
ព្រះមហាក្សត្រនៃព្រះរាជាណាចក្រកម្ពុជា ព្រះអង្គសព្វព្រះរាជហឫទ័យកោតសរសើរ ប្រមុខរាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ បានធ្វើឱ្យជីវភាពរស់នៅរបស់បងប្អូន កូនចៅ មានពិការភាពកាន់តែប្រសើរឡើងជាលំដាប់ ។ ព្រះមហាក្សត្រសូមសម្តែងនូវហប្ញទ័យគាំទ្រ ដោយស្មោះចំពោះរាជរដ្ឋាភិបាលកម្ពុជាដែលមានឆន្ទៈខ្ពស់ប្រកបដោយភាពប្រាកដនិយម ក្នុងការលើកកម្ពស់សុខុមាលភាពជន់ងាយរងគ្រោះ ពិសេសជនមានពិការភាព ។
ជារៀងរាល់ឆ្នាំ ក្រុមប្រឹក្សាសកម្មភាពជនពិការ ក្រសួងសង្គមកិច្ច អតីតយុទ្ធជន និង យុវនីតិសម្បទា សហការជាមួយក្រសួង-ស្ថាប័នពាក់ព័ន្ធ និងអង្គការមិនមែនរដ្ឋាភិបាលនានា ដែលធ្វើការលើវិស័យពិការភាព តែងបានប្រារព្ធទិវានេះនៅសប្តាហ៍ទីមួយនៃខែធ្នូ ។ ដោយសារវិបត្តិជំងឺកូវីដ១៩ បាននឹងកំពុងរីករាលដាលជាសកល ខ្ញុំព្រះករុណា ខ្ញុំសូមអំពាវនាវដល់ បងប្អូនជនរួមជាតិ ពិសេសជនមានពិការភាពទាំងអស់ ធ្លាក់ការជួបជុំ តាមការណែនាំរបស់ ប្រមុខរាជរដ្ឋាភិបាលកម្ពុជា សម្តេចអគ្គមហាសេនាបតីតេជោ ហ៊ុន សែន ដែលមានភាព ប៉ិនប្រសប់ឈ្លាសវៃក្នុងការបង្ការ និងទប់ស្កាត់នៃមេរោគកូវីដ១៩នេះ ។
បើទោះបីជាឆ្នាំ២០២០នេះ ព្រះរាជាណាចក្រកម្ពុជារបស់យើងប្រឈមបញ្ហាសេដ្ឋកិច្ច ដែលបណ្តាលមកពីជំងឺកូវីដ១៩ និងគ្រោះជំនន់ទឹកភ្លៀងក្ដី ខ្ញុំព្រះករុណា ខ្ញុំបានយល់អំពី សកម្មភាពដ៏ប្រពៃថ្លៃថ្លារបស់រាជរដ្ឋាភិបាលកម្ពុជា ក្រសួង -ស្ថាប័ន កាកបាទក្រហមកម្ពុជា អាជ្ញាធរមូលដ្ឋានគ្រប់លំដាប់ថ្នាក់ និងសប្បុរសជននានាបានខិតខំប្រឹងប្រែងរួមគ្នា ដោះស្រាយ ជម្នះ គ្រប់ឧបសគ្គក្នុងគ្រាដ៏លំបាកកន្លងមក ។ ប្រការនេះ បានបង្ហាញអំពីការរួបរួមជាតិ ស្រឡាញ់ ជាតិ មាតុភូមិ ស្រឡាញ់ប្រជាជន ក្រោមដំបូលនៃសន្តិភាព ដែលប្រជារាស្ត្រទូទាំងប្រទេស ប្រាថ្នាចង់បាន ។
ទន្ទឹមនឹងនេះ សុខុមាលភាពរបស់ជនមានពិការភាព ត្រូវបានយកចិត្តទុក្ខដាក់ នឹងក្លាយជាកម្មវត្ថុអាទិភាពក្នុងការធ្វើអន្តរាគមន៍ និងសង្គ្រោះបន្ទាន់ពីគ្រោះហានិភ័យប្រកបដោយសុវត្ថិភាព ។ ខ្ញុំព្រះករុណា ខ្ញុំសូមស្នើដល់អាជ្ញាធរពាក់ព័ន្ធ ដៃគូអភិវឌ្ឍនានាត្រៀមបំពាក់បន្ថែម ឧបករណ៍ សម្ភារៈ បរិក្ខារបរិភោគ ទីកន្លែង និងយន្តការជំនាញដោយផ្តោតជាពិសេសលើជន មានពិការភាពក្នុងអំឡុងពេលស្តារឡើងវិញក្រោយគ្រោះមហន្តរាយដោយជំនន់ទឹកភ្លៀង កន្លងមក ។
សព្វថ្ងៃនេះ ក្រោមការដឹកនាំដ៏ឈ្លាសវៃរបស់ប្រមុខរាជរដ្ឋាភិបាលកម្ពុជា ដែលមាន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនពិការ បានធ្វើឱ្យជីវភាពរស់នៅរបស់បងប្អូន កូនចៅ មានពិការភាពកាន់តែប្រសើរឡើងជាលំដាប់ ។ ខ្ញុំព្រះករុណា ខ្ញុំសូមសម្តែងនូវហឫទ័យគាំទ្រ ដោយស្មោះចំពោះរាជរដ្ឋាភិបាលកម្ពុជាដែលមានឆន្ទៈខ្ពស់ប្រកបដោយភាពប្រាកដនិយម ក្នុងការលើកកម្ពស់សុខុមាលភាពជន់ងាយរងគ្រោះ ពិសេសជនមានពិការភាព ។
សមិទ្ធផលធំៗខាងលើនេះ បានសបញ្ជាក់អំពីឆន្ទៈនិងការប្តេជ្ញាចិត្តរបស់រាជរដ្ឋាភិបាល ដើម្បីបម្រើឱ្យបុព្វហេតុដ៏ថ្លៃថ្លារបស់ជនមានពិការភាពកម្ពុជា ដែលខ្ញុំព្រះករុណា ខ្ញុំសូមធ្វើ ការលើកទឹកចិត្តដល់រាជរដ្ឋាភិបាលបន្ថែមទៀត ដើម្បីបន្តសកម្មភាពដ៏ល្អប្រពៃថ្លៃថ្លានេះ និង សូមអំពាវនាវដល់បងប្អូនជនរួមជាតិទាំងអស់បន្តការគាំទ្ររាល់សកម្មភាពនានារបស់រាជរដ្ឋា ភិបាលសម្រាប់ជនមាន់ពិការភាព ដើម្បីលុបបំបាត់ឧបសគ្គរារាំង ឈានទៅទទួលបានឯករាជ បុគ្គល ភាពជាម្ចាស់ការឱ្យបានរឹងមាំ ក្នុងទិសដៅសម្រេចបាននូវការលើកកម្ពស់ និងការការពារ សិទ្ធិរបស់ជនមានពិការភាព ។
ជាថ្មីម្តងទៀត ខ្ញុំព្រះករុណា ខ្ញុំសូមថ្លែងអំណរគុណ និងកោតសរសើរចំពោះរាជរដ្ឋាភិ បាលកម្ពុជា ក្រោមការដឹកនាំដ៏ឆ្នើមរបស់ សម្តេចអគ្គមហាសេនាបតីតេជោ ហ៊ុន សែន នាយក រដ្ឋមន្ត្រី នៃព្រះរាជាណាចក្រកម្ពុជា និងជាប្រធានកិត្តិយសក្រុមប្រឹក្សាសកម្មភាពជនមាន ពិការភាព និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែល តែងតែផ្តល់សេចក្តីអាណិតស្រឡាញ់ សន្តោសប្រណ៏ចំពោះជនមានពិការភាព ដែលបាន ជួបទុក្ខលំបាកនាពេលកន្លងមក ។ ខ្ញុំព្រះករុណា ខ្ញុំសូមអរគុណចំពោះសហគមន៍ជាតិ និង អន្តរជាតិដែលមានទឹកចិត្តសប្បុរសបានផ្តល់ការគាំទ្រទាំងផ្នែកស្មារតី សម្ភារ និងថវិកាដ៏ច្រើន ដើម្បីជួយឱ្យវិស័យពិការភាពក្នុងព្រះរាជាណាចក្រកម្ពុជាទទួលបានជោគជ័យ ៕ដោយ៖បញ្ញាស័ក្តិ