នៅលើបណ្តាញសង្គមនាពេលនេះ ឃើញថា រឿងរ៉ាវដ៏ក្តៅគគុកមួយបានកំពុងផ្ទុះការចាប់អារម្មណ៍ជាខ្លាំង ទាក់ទងនឹងករណីលោកជំទាវឧកញ៉ា អ៊ាន សៀវម៉ី និងជាអ្នកលក់ផលិតផលអនឡញាដ៏ល្បីឈ្មោះ ស្រាប់តែត្រូវបានឧកញ៉ា នឹម វណ្ណៈ បានធ្វើការព្រមានឱ្យបញ្ឈប់ជាបន្ទាន់ រាល់ការនិយាយអ្វីៗតាមរយៈការឡាយលក់ផលិតផល ដែលពាក់ព័ន្ធនិងឈ្មោះអ្នកស្រី ពុំដូច្នេះទេលិខិតផ្លូវច្បាប់នឹងរង់ចាំស្វាគមន៍ហើយ។
ដោយឡែក ជាមួយនឹងលោកជំទាវ ហ៊ុន ស៊ីណាត ឯណេះវិញ ក៏កំពុងតែក្តៅគគុកផងដែរ ខណៈដែលកាលពីយប់មិញនេះថ្ងៃទី១ ខែធ្នូ ឆ្នាំ២០២០ អ្នកស្រី អ៊ាន សៀវម៉ី បានធ្វើការឡាយសុំឲ្យលោកជំទាវ ហ៊ុន ស៊ីណាត ធ្វើការបកស្រាយ ក្រោយពីជំទាវបានធ្វើការរិះគន់ដាក់ឲ្យធ្ងន់ធ្ងរៗថា មិនស័ក្តិសមមានគោរពងារជាឧកញ៉ាសោះឡើយ បន្ទាប់ពីលោកជំទាវតែងបានកត់សម្គាល់ឃើញអ្នកស្រី សៀវម៉ី ឡាយនិយាយប្រើនូវពាក្យពេចន៍ដ៏អសុរោះ ហាក់មានអំនួត កោងកាច និងធ្វើឲ្យប៉ះពាល់ដល់តម្លៃស្ត្រីខ្មែរ ឬ ឧកញ៉ាដទៃដែលគេល្អត្រឹមត្រូវ។
ដើម្បីធ្វើតាមការស្នើសុំ នៅមុននេះបន្តិច ថ្ងៃទី២ ខែធ្នូ ឆ្នាំ២០២០ នេះ លោកជំទាវ ហ៊ុន ស៊ីណាត ក៏បានបង្ហោះលិខិតបំភ្លឺ និងភ្ជាប់វីដេអូចំនួន២ និងព្រមទាំងសរសេរបញ្ជាក់ពីលើថា៖ «ជម្រាបដល់នាង អ៊ាន សៀវម៊ី នាងចង់បានការបកស្រាយពេលនេះខ្ញុំបកស្រាយឲ្យនាងប៉ុណ្ណឹង បើនាងនៅមិនអស់ចិត្ត ចាំខ្ញុំឲ្យមេធាវីខ្ញុំបកស្រាយផ្លូវច្បាប់ឲ្យនាងស្តាប់ឲ្យកាន់តែច្បាស់ណានាង»។
យ៉ាងណាមិញ ក្រោយពីបានឃើញលោកជំទាវ ហ៊ុន ស៊ីណាត ធ្វើការបកស្រាយយ៉ាងក្បោះក្បាយ និងពិតជាប្រពៃខ្លាំងណាស់ ក្នុងនោះអ្នកប្រើប្រាស់បណ្តាញសង្គមជាច្រើន ក៏ជាន់បន្ថែមថា៖ «សូមគាំទ្រអ្នកមីង100%, សូមគាំទ្រលិខិតឆ្លើយតបរបស់លោកជំទាវមីង, ដំដែកទាន់នៅក្តៅ ប្រដៅកូនចៅ ទាន់នៅថ្មី, ត្រូវចេះគោរពចាស់ទុំជាធំ ក៏ដូចជាប្រកាន់នូវគុណធម៌ចំពោះចាស់ទុំ លោកជំទាវមីងជាមាតាដ៏ល្អគំរូ នៅក្នុងសង្គមបច្ចុប្បន្ន, មិនដឹងជាឧកញ៉ាស្អី ឡាយវីដេអូនិយាយពាក្យមិនគាប្បី គ្មានសីល៍ធម្មក្នុងសង្គម, គាត់ធ្វើបុណ្យមែន តែធ្វើបុណ្យហើយ ដើរតែជេគេ ហើយមើលងាយគេមិនដល់គាត់ ចឹងធ្វើបុណ្យរកងាប់អី សុខចិត្តយកបុណ្យនឹងទៅឲ្យអ្នកផ្សេងធ្វើទៅវាល្អជាង, អ្នកមីងបកស្បែកនាងហ្នឹងម្តងទៅ ព្រោះនាងហ្នឹងព្រហើនទៅៗ គ្មានគោរពអ្នកណាទេ អាងលុយ សូម្បីចាស់ទុំក៏នាងមើលងាយដែរ, ងានេះមិនស័ក្តិសមផ្តល់ជូនមនុស្សអសីលធម៌យ៉ាងនេះសោះ មានងារគិតថាអាចធ្វើអ្វីបានគ្រប់យ៉ាងឬយ៉ាងណា?»៕ រក្សាសិទ្ធិដោយ៖ លឹម ហុង