សៀមរាប ៖ សមត្ថកិច្ចខេត្តសៀមរាប សហការជាមួយសមត្ថកិច្ចខេត្តឧត្តរមានជ័យ កាលពីថ្ងៃទី២ ខែធ្នូ ឆ្នាំ២០២០ បានចុះអនុវត្តដីកាបង្គាប់ឲ្យចាប់ខ្លួនពិរុទ្ធជនម្នាក់ យោងតាមដីកាបង្គាប់លេខ៩៩ ចុះថ្ងៃទី៣០ ខែធ្នូ ឆ្នាំ២០២០ របស់សាលាដំបូងខេត្តសៀមរាប ពីបទ កាប់រុករានព្រៃ ឈូសឆាយព្រៃ និងហ៊ុមព័ទ្ធដីព្រៃ ។
ពិរុទ្ធជនឈ្មោះ អាង សូនី ភេទស្រី អាយុ៥៥ឆ្នាំ រស់នៅភូមិស្រែណូយ ឃុំត្រពាំងប្រាសាទ ខេត្តឧត្តរមានជ័យ បានប្រព្រឹត្តបទល្មើសនៅភូមិឫស្សី ឃុំកន្ទួត ស្រុកស្វាយលើ ខេត្តសៀមរាប កាលពីថ្ងៃទី១៩ ខែមករា ឆ្នាំ២០១៧។ ពិរុទ្ធជនរូបនោះ ត្រូវបានសមត្ថកិច្ចចាប់ខ្លួន បញ្ជូនទៅសាលាដំបូងខេត្តសៀមរាប ដើម្បីអនុវត្តនីតិវិធី ៕រក្សាសិទ្ធិដោយ៖បញ្ញាស័ក្តិ
