ស្រុកព្រៃនប់៖ នៅវេលាម៉ោង៥ល្ងាច ថ្ងៃទី០៣ ខែធ្នូ ឆ្នាំ២០២០ មានអគ្គិភ័យកើតឡើងនៅក្នុងរោងចក្រផលិតក្តារបន្ទះ ក្នុងតំបន់សេដ្ឋកិច្ចពិសេស ឃុំបិតត្រាំង ស្រុកព្រៃនប់ ខេត្តព្រះសីហនុ បណ្តាលឲ្យខូចខាត ឡចំហុយក្តារបន្ទះចំនួន២ និងបន្ទះក្តារមួយចំនួន។
ភ្លាមៗ សមត្ថកិច្ចបានប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្ត ចំនួន02គ្រឿង ដែលប្រចាំការនៅក្នុងតំបន់នោះ ធ្វើការពន្លត់ទាន់ពេល មិនអោយឆាបឆេះរាលដាលបន្ត ។
បើតាមរបាយការណ៍របស់នាយកដ្ឋានបង្ការពន្លត់អគ្គិភ័យនិងសង្គ្រោះនៃអគ្គស្នងការដ្ឋាននគរបាលជាតិបានឲ្យដឹងថា មានករណីអគ្គីភយ័ឆេះឡចំហាយកុងប្លាកេ មួយកន្លែង ក្នុងរោងចក្រសានដុងផលិត កុងប្លាកេ ចំណុចអគារលេខ១៨ ។ បណ្ដាលអោយឆេះឡចំហាយចំនួន២ទាំងស្រុង និងរាលដាលឆេះចូលទៅខាងក្នុងប្រហែលពី៥ទៅ៦ ម៉ែត្រ ។
មូលហេតុមកពី ឆ្លងចរន្តអគ្គីសនី និងបង្កឲ្យមានការខូចខាត៖ ឆេះឡចំហាយកុងប្លាកេ ចំនួន២ ទំហំ៣មx៨ម
រងរបួសស្រាលចំនួន៤នាក់ ភេទប្រុស កម្មករខ្មែរចំនួន៣នាក់និងជនជាតិចិន១ នាក់ ។ រថយន្តពន្លត់អគ្គីភ័យរបស់ស្នងការដ្ឋាននគរបាលខេត្ត ចំនួន២គ្រឿងចេញអន្តរាគមន៍ ជួយពន្លត់អគ្គិភ័យ និងសង្គ្រោះ មិនឲ្យឆេះរាលដាល និងបានប្រេីប្រាស់ទឹកអស់ចំនួន៨ឡានទើបរលត់ទាំងស្រុង ៕ រក្សាសិទ្ធិដោយ៖បញ្ញាស័ក្តិ
