Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

លោក​ឧកញ៉ា ភួ ពុ​យ​៖ ប្រជាកសិករ ដែល​កំពុង​ជួប​កង្វះ​ទីផ្សារ​ស្រូវ សូម​ដឹក​ទៅ​ក្រុមហ៊ុន​បៃតង​កម្ពុជា ក្រុមហ៊ុន​នឹង​ទទួល​ទិញ​ទាំងអស់​

spot_img

​ខេត្តបាត់ដំបង​៖ ប្រជាកសិករ នៅក្នុង​ឃុំ​ស្នឹង បាន​ត្អូញត្អែរ អំពី​កសិផល​របស់ខ្លួន ក្រោយ​ការ​ច្រូតកាត់​ស្រូវ​បាន​ហើយ មិនមាន​ទីផ្សារ​សម្រាប់​លក់​ចេញ ដោយ​ឈ្មួញកណ្តាល​បានត្រឹមតែ​មក​មើល តែ​មិន​ឲ្យ​តម្លៃ​នោះទេ​។​

​ឆ្លើយ​បត​ជាមួយ​បញ្ហា​នេះ លោក​ឧកញ៉ា ភួ ពុ​យ អគ្គនាយក ក្រុមហ៊ុន​បៃតង​កម្ពុជា បានឱ្យ ប្រជាកសិករ​ទាំងអស់ ដែល​កំពុង​ជួប​នូវ​កង្វះ​ទីផ្សារ​ស្រូវ ហើយ​ដឹកជញ្ជូន​ស្រូវ​ទៅ​ទីផ្សារ សូម​ដឹកស្រូវ ទៅ​ក្រុមហ៊ុន​បៃតង​កម្ពុជា​ចុះ គឺ​ក្រុមហ៊ុន​នឹង​ទទួល​ទិញ តែបើ​មាន​ឈ្មួញកណ្តាល​ណា​មក​ទិញ ដោយ​ឲ្យ​តម្លៃ​ខ្ពស់ជាង​ក្រុមហ៊ុន​សូម​លក់​ឲ្យ​ទៅ​ឈ្មួញ​ទាំងនោះ​ទៅ​។

​លោក​ឧកញ៉ា ភួ ពុ​យ បាន​បញ្ជាក់ថា ដើម្បី​រក្សា​តម្លៃ​ស្រូវ​ឲ្យ​មាន​លំនឹង ទាំង​ម្ចាស់​ផលិត​ស្រូវ ទាំង​អ្នកប្រមូល​ទិញ ត្រូវ​រួមគ្នា​បង្កើត​សហគមន៍​អ្នក​ផលិត សហគមន៍​ទីផ្សារ បើទោះបីជា​ស្រូវ​មានការ​កកស្ទះ​យ៉ាងណាក៏ដោយ ក៏​តម្លៃ​ស្រូវ​មិនមាន​ការប្រែប្រួល​នោះដែរ​។​
​លោក​ឧកញ៉ា បាន​បន្ត​បញ្ជាក់ថា បើ​យើង​រៀបចំ​សហគមន៍​ផលិត សហគមន៍​អ្នកប្រមូល​ទិញ មាន​ទីផ្សារ​ច្បាស់លាស់​ហើយ អ្នកមាន​ម៉ាស៊ីន​ច្រូត នឹងត្រូវ​ចងក្រង​ជា​សហគមន៍​ច្រូត​ដោយ​ស្វ័យប្រវត្តិ ព្រោះ​នៅ​ភូមិ ឃុំ ស្រុក​ណា ដែលមាន​ស្រូវ​ទុំ ម៉ាស៊ីន​ច្រូត​នៅ​តំបន់​នោះ ត្រូវ​យកទៅដាក់​ឲ្យ​ចំ​គោលដៅ ។

​លោក​ឧកញ៉ា ភួ ពុ​យ បាន​ឲ្យ​ដឹង​ទៀតថា ជាទូទៅ​ពេល​ដល់​រដូវ​ទិញស្រូវ​ម្តងៗ តែងតែមាន​ការកកស្ទះ ហើយ​ក្រៅពី​ភ្នាក់ងារ​ក្រុមហ៊ុន ដើរ​ប្រមូល​ទិញ​នៅតាម​តំបន់​គោលដៅ ដែលមាន​សហគមន៍ ប្រជាកសិករ ដែល​បាន​ដឹក​តាម​គោយន្ត ទៅកាន់​រោងចក្រ​របស់​ក្រុមហ៊ុន​បៃតង​កម្ពុជា​ផ្ទាល់ ក៏​ក្រុមហ៊ុន​ទទួល​ទិញយក​ផងដែរ ការធ្វើ​បែបនេះ គឺ​ដើម្បី​រក្សាបាន​នូវ​តម្លៃ​ស្រូវ មិន​ឲ្យ​មានការ​ខាតបង់​ថវិកា​របស់​ប្រជាកសិករ ក្រោយពេល​ប្រមូល​ផល​រួច​៕ រក្សាសិទ្ធិដោយ ៖ CEN

spot_img
×