ភ្នំពេញ៖ អ្នកតំណាងរាស្ត្រទាំងអស់នៃរដ្ឋសភា លទ្ធផលធ្វើតេស្តកូវីដ១៩ ជាលើកទី២ គឺអវិជ្ជមាន ក្នុងនោះឯកឧត្តម ហ៊ុន ម៉ានី ក៏ទទួលលទ្ធផលអវិជ្ជមានដែរ។
ឯកឧត្តម ហ៊ុន ម៉ានី បានសរសេរសារបង្ហោះលើហ្វេសប៊ុក នៅពាក់កណ្តាលអធ្រាត្រ ឈានចូលថ្ងៃទី៩ ខែធ្នូនេះថា៖ «លទ្ធផលនៃការធ្វើតេស្តលើកទី២ Covid-19 គឺលទ្ធផលអវិជ្ជមានទាំងអស់។ ទាំងរាងកាយ និងអារម្មណ៍ នៅតែដដែលធម្មតា។ ប៉ុន្តែការធ្វើតេស្ត គឺត្រូវតែធ្វើដើម្បីឱ្យប្រាកដថា យើងម្នាក់ៗមានភាពច្បាស់លាស់ សម្រាប់ជាប្រយោជន៍សុខភាពយើង សម្រាប់ក្រុមគ្រួសារ និងប្រទេសរបស់យើងទាំងមូល។ រាត្រីសួស្តីអ្នកទាំងអស់គ្នា»៕ រក្សាសិទ្ធិដោយ៖បញ្ញាស័ក្តិ
