កំពង់ឆ្នាំង ៖ស្នងការដ្ឋាននគរបាលខេត្តកំពង់ឆ្នាំង បានឲ្យដឹងថា នៅថ្ងៃពុធ ទី៩ ខែធ្នូ ឆ្នាំ២០២០ កម្លាំងនគរបាលស្រុកកំពង់ត្រឡាច សហការជាមួយជំនាញខេត្ត ស្រាវជ្រាវឃាត់ខ្លួនជនសង្ស័យបានចំនួន០៣នាក់ ពាក់ព័ន្ធករណីឃាតកម្ម ប្រព្រឹត្តកាលពីថ្ងៃទី៧ ខែធ្នូ ឆ្នាំ២០២០ និងបាននាំយកមកធ្វើត្រាប់សកម្មភាព នៅកន្លែងកើតហេតុ ភូមិគក ឃុំពានី ស្រុកកំពង់ត្រឡាច ។
ជនសង្ស័យមានឈ្មោះ តុន នឿន ភេទប្រុស អាយុ២៦ឆ្នាំ, ឈ្មោះ ណន ណឹម ភេទប្រុស អាយុ៣៧ ឆ្នាំ និងឈ្មោះ នៅ ច្រេស ភេទប្រុស អាយុ៣០ឆ្នាំ ។ ជនសង្ស័យទាំង៣ ខាងលើ រស់នៅភូមិគក ឃុំពានី ស្រុកកំពង់ត្រឡាច។
បច្ចុប្បន្ន សមត្ថកិច្ចបានកសាងសំណុំរឿង និងបញ្ជូនជនសង្ស័យ ទៅការិយាល័យជំនាញខេត្តអនុវត្តបន្តតាមនីតិវិធី ៕រក្សាសិទ្ធិដោយ៖បញ្ញាស័ក្តិ
