ក្រុមហ៊ុន ឈេហ្វរ៉ុន (Chevron) របស់ថៃដែលជាក្រុមហ៊ុនលក់រាយប្រេងដ៏ធំមួយ ដែលប្រតិបត្តិការក្រោមយីហោ កាល់តិច បានត្រៀមចំណាយដើមទុន ២០០ លានដុល្លារ ដើម្បីពង្រីកអាជីវកម្មរបស់ខ្លួនចាប់ពីឆ្នាំ ២០១៩ ដល់ឆ្នាំ ២០២១ ទោះបីមានតម្រូវការប្រេងទាបដែលបណ្តាលមកពីជំងឺកូវីដ១៩។
ប្រធានអគ្គនាយក និងជាអ្នកចាត់ការទូទៅ លោកស្រី Alice Potter បាននិយាយនៅថ្ងៃពុធនៃ ទុនវិនិយោគ៣ឆ្នាំដែលជាតម្លៃខ្ពស់បំផុតក្នុងរយៈពេលមួយទសវត្សរ៍ ក្រោមគម្រោងការលូតលាស់របស់កាល់តិច នឹងត្រូវបានប្រើដើម្បីអភិវឌ្ឍស្ថានីយ៍ប្រេងឥន្ធនៈថ្មីចំនួន ១០០ កន្លែងនៅទូទាំងប្រទេស។
ក្រុមហ៊ុនចង់បន្ថែមតម្លៃដល់កន្លែងចាក់ប្រេងផ្តល់ជូនភាពងាយស្រួលនិងសុវត្ថិភាពដល់អតិថិជន។ ទាំងស្ថានីយ៍ប្រេងឥន្ធនៈថ្មីនិងកន្លែងចាក់សាំងនិងត្រូវបានបំពាក់ដោយប្រព័ន្ធឌីជីថលក្រោមប្រព័ន្ធបូមសាំងឆ្លាតវៃ។ កាលពីឆ្នាំមុនក្រុមហ៊ុនឈេហ្វរ៉ុនបានចាប់ដៃគូជាមួយធនាគារបាងកកដើម្បីផ្តល់ការទូទាត់ដោយដោយគ្មានសាច់ប្រាក់តាមរយៈកម្មវិធីទូរសព្ទកាល់តិច។
ផ្នែកនៃការចំណាយគឺសម្រាប់យុទ្ធនាការផ្សព្វផ្សាយផលិតផលប្រេងនិងការពង្រីកអាជីវកម្មមិនមែនប្រេងនៅស្ថានីយ៍ប្រេងកាល់តិច។ លោកស្រី Potter ចង់បង្កើនចំនួនស្ថានីយ៍ប្រេងឥន្ធនៈដល់ ៥០០ កន្លែងនៅឆ្នាំក្រោយពី ៤០០ នាពេលបច្ចុប្បន្ន។
ឈេហ្វរ៉ុនមានគម្រោងបង្កើតភាពជាដៃគូជាមួយវិនិយោគិនក្នុងស្រុកដោយឱ្យពួកគេដំណើរការស្ថានីយប្រេង ៩៥ ភាគរយ។ លោកស្រីមានប្រសាសន៍ថាក្រុមហ៊ុនចង់ជូនដំណឹងដល់អ្នកបើកបរយានយន្តអំពីការច្នៃប្រឌិតផលិតផលប្រេងរបស់ខ្លួនរួមទាំងប្រេងរំអិលផងដែរ។
សម្រាប់អាជីវកម្មមិនមែនប្រេងរបស់ខ្លួនឈេហ្វរ៉ុនគ្រោងនឹងធ្វើការជាមួយក្រុមហ៊ុនធំ ៗ និងក្រុមហ៊ុនមិនមែនប្រេងក្នុងស្រុកជាពិសេសក្រុមហ៊ុនឧស្សាហកម្មម្ហូបអាហារនិងភេសជ្ជៈសម្រាប់ស្ថានីយ៍ប្រេងឥន្ធនៈកាល់តិច។ លោកស្រី Potter បាននិយាយថាការលក់ប្រេងក្រោមយីហោកាល់តិចក្នុងឆ្នាំនេះត្រូវបានគេរំពឹងថានឹងកើនឡើងជាង ១ ភាគរយ៕ ប្រភព៖ បាងកកប៉ុស្តិ៍