សៀមរាប៖ កម្លាំងអធិការដ្ឋាននគរបាលស្រុកប្រាសាទបាគង បានឃាត់រថយន្តសង្ស័យ១គ្រឿង ដើម្បីត្រួតពិនិត្យ និងរកឃើញបទល្មើសដឹកជញ្ជូន អនុផលព្រៃឈើ គ្មានលិខិតអនុញ្ញាត នៅថ្ងៃទី១១ ខែធ្នូ ឆ្នាំ២០២០នេះ នៅចំណុចលើដងផ្លូវ ក្នុងភូមិគោកចាន់ឃុំអំពិល ស្រុកប្រាសាទបាគង ខេត្តសៀមរាប។
លោកវរសេនីយ៍ឯក លឹម សម្បត្តិ អធិការនគរបាលស្រុកប្រាសាទបាគង បានឲ្យដឹងថា អនុវត្តតាមបទបញ្ជាររបស់ ឧត្តមសេនីយ៍ទោទិត្យណារ៉ុង ស្នងការនៃស្នងការាលដ្ឋាន និងដោយមានការណែនាំផ្ទាល់ពីលោកឧត្តមសេនីយ៍ត្រី ម៉ក់ ធារ៉ាស្នងការរងទទួលផែនការងារប្រឆាំងបទល្មើសសេដ្ឋកិច្ចនិងលោកវរសេនីយ៍ឯក ជ្រិញ គឹមនី នាយការិយាល័យប្រឆាំងបទល្មើសសេដ្ឋកិច្ច។ប្រតិបត្តុការនេះធ្វើឡើងកាលពីវេលាម៉ោង៥និង៣០នាទីថ្ងៃទី១១ខែធ្នូឆ្នាំ២០២០នេះ កម្លាំងអធិការរដ្ឋាននគបាលស្រុកប្រាសាទបាគង បានធ្វើការឃាត់រថយន្តសង្ស័យចំនួន១គ្រឿង ដើម្បីធ្វើការ ត្រួតពិនិត្យ និងរកឃើញបទល្មើសដឹកជញ្ជូន អនុផលព្រៃឈើ គ្មានលិខិតអនុញ្ញាត នៅចំណុចលើដងផ្លូវ ក្នុង ភូមិគោកចាន់ឃុំអំពិល ស្រុកប្រាសាទបាគង ខេត្តសៀមរាប ។
បន្ទាប់ពីធ្វើការត្រួតពិនិត្យយើង បានធ្វើការឃាត់ខ្លួនជនសង្ស័យក្នុងរថយន្តចំនួន២នាក់រួមមាន៖ ទី១ឈ្មោះកែវ ឧត្ដមហៅធារ៉ា ភេទប្រុសអាយុ៣០ឆ្នាំ នៅភូមិគោកធ្លក ឃុំកណ្តែកស្រុកប្រាសាទបាគងខេត្តសៀមរាប។ ទី២ឈ្មោះទុយ វុទ្ធីហៅចៀនភេទប្រុសអាយុ២៥ឆ្នាំ នៅភូមិដើមផ្តៀក ឃុំព្រៃស្លឹកស្រុកទ្រាំងខេត្តតាកែវ ។ វត្ថុតាងដកហូតបានរថយន្តម៉ាកតូយ៉ូតា REVO ពណ៌សស៊េរ៏ឆ្នាំ២០១៦ ចំនួន១គ្រឿង ឈើប្រភេទផ្ចឹក ចំនួន២.៩២ម៉ែត្រគីប បន្ទាប់ពីធ្វើការឃាត់ខ្លួនជនសង្ស័យ និងវត្ថុតាងខាងលើត្រូវបានកម្លាំង នគរបាល ស្រុកប្រាសាទបាគង ប្រគល់ជូនការិយាល័យប្រឆាំងបទល្មើសសេដ្ឋកិច្ច ដើម្បីបន្តនីតិវិធី តាមផ្លូវច្បាប់៕រក្សាសិទ្ធិដោយ៖បញ្ញាស័ក្តិ